本來仲以為佢地今日唔出街，打算可以訓耐少少。點知俾個電話嘈醒左，同我講去睇 [走佬芝娃娃] 。我比較想睇 [地球停轉日] ，但係佢地話Ｄ綱評太差，叫我唔好睇....

去左附近行左一陣，跟住買左Ｄ野，偷運入去邊睇邊食。發現左一個靚仔，ｃｏｅｙ叫我扮ｓｄ　ｓｍｓ，實情係偷影佢幾張相。聽日訓醒我都唔記得佢ｄ野啦，偷影利都冇用既....夠鐘入場，我就覺得套戲一般般了，只係覺得果個主角條水晶狗鏈好靚姐。不過都唔係咁差既，都有得笑位，我只係覺得世界上Ｄ狗係唔係真係會幫其他品種既狗嫁？！

之後冇啦啦話去尖咀睇燈飾，又唔早Ｄ同我講喎，搞到我著得咁單薄。去搭車期間，發現麗華同細寶係後面唔知講緊我Ｄ咩呢？問佢地又唔答我喎.....後來發生左好開心同埋好意外既野！！

兜兜轉轉咁，終於搵到一間壽司店食飯了。個地方都蠻細，不過就估唔到佢Ｄ壽司幾好食。最唔開心就係，坐係麗華果邊果個家庭，係咁望住晒，見到我地叫咩就望過利，睇下好唔好食。

食飽行去睇燈飾，覺得冇乜特別了？只係見到好多好想買既野了，見到我鐘意既音樂盒、水晶球同香薰座，點知又冇錢買.....最後去食左甜品先番屋企∼＊＊∼

白色果隻芝娃娃戴緊條鏈幾靚牙！.！

出乎意料之外好食.....

我最後既甜品，士多啤梨芭菲！其實個甜品利既時候，佢地已經話走了，我跟本就冇食清楚佢係咩味，只係大大啖咁食＃_＃

水晶球好靚牙，不過望真Ｄ。個價錢仲靚牙＄.＄

我鐘意個木馬既水晶球