今日番工好苦悶、好唔開心...

今日我加貨，之後我粗心大意咁將成包湯匙整掉，咁岩昭姐掃地掃到我到。我已經同佢講左句sorry既、我冇心既，點知佢就話【唔洗講了，我知你有心既？！】我當場ｏ嘴，佢果句野有少少令到我唔開心。係我既反應大左，少少既事已經令到我情緒變差？！

原定今晚舉行既晚會就取消左，變左Ｄ牙姐就去喝茶既，點知２點幾開始就多左好多Ｄ唔係咁想對住既人番工了！！之後我完全係唔想番埋果兩個鐘，真係好想好想自己行去拉卡收工。

２點後，我覺我自己係一個多餘既人囉，之後志平叫我睇住個【科】。我心唸，唔係咁大整蠱？！我原本已經唸住想收工，更何況班人都唔會聽我講嫁啦。後來志平叫我４點後先去，你地果時已經完場啦，我去利托牙？之後我揀左出ｌｏｂｂｙ，既然有Ｄ人咁想話晒事。咁咪俾你話事囉！不過唔使旨意我會聽你點.....

之前同左牙歡講，我呢一刻只係想番早！同佢講可唔可以編我番早，佢就話會盡量，點知個時間表都係咁既樣！我真係睇唔出你有盡量過囉？！前幾日見到牙歡開始教ＬＵＣＹ編時間表了，未知係一件好事定係壞事？！會差過牙歡定係受人熱愛既時間表經理？唉....算啦，邊一個都好，我只係想我Ｄ時間可能穩定Ｄ，請假既時候唔好問埋我Ｄ白痴問題。就係咁∼∼∼∼

明明以前既１６２係好熱鬧，好似一個家庭咁既，俾人一種好暖既感覺。點解宜家會覺得凍凍冷冷，令人煩躁不安既地方！以前真係覺得番工係一件好開心既事，宜家反而覺得受緊罪既？！寧願留係一個美好既夢境裡，一直唔好醒。

好想麗華番利１６２，我知咁麗華會好為難既，佢宜家份工算係好，要你番利做應該係冇可能咁事了。