深圳半日游，朝早九點幾就去媽咪一齊返大陸了！大陸啲路真係好難記啊，再加上車站成日轉到唔同既地方。我一個人一定會迷路！！１１點幾去到醫院探公公，見到公公瘦咗好多。手臂都見到骨，而且又插咗支粗針，兩邊臉都凹入去！不過都好有精神。

三點幾搭車出東門，塞車塞咗成一個半鐘！見到好多車唔肯互相相讓，又冇乜紅綠燈，再加上興建梗地鐵，機本上冇乜路可以行！

食完野，就去駁眼睫毛同修眉！今次駁得唔好既，駁得太入肉，搞到我係咁流眼淚。發現東門有間叫５８度台灣野飲既珍珠奶茶都幾好飲....