今日有兩個粉腸放飛機喎，１個係ＣＡＮＤＹ、１個係嘉嘉．．．．勁唔夠人啊，後來搵左牙強頂嘉嘉個位！！４點幾個胃痛到我好想喊。之後成５點幾先食第１餐，仲要係食得唔安樂，食左２０分鐘左右，果時又排緊好長隊，冇啦啦有個細路女倒瀉左栗米，歡歡叫我去掃下個ｌｏｂｂｙ，掃完以為可以安安樂樂咁食野啦，點知呢個時候ＩＶＹ話個垃圾爆左，壞人就叫我去倒垃圾喎，我食緊野都要我去倒垃圾，倒完垃圾冇耐又要我拖ｌｏｂｂｙ，我拖拖下果時已經係廚房到喊．．．出利見到ＩＶＹ係後ｌｏｂｂｙ到喊，其實佢都好辛苦嫁，人多時又要開機又要接外賣又要睇住ｌｏｂｂｙ，今日仲要係佢生日喎＝．＝歡歡見到ＩＶＹ喊就放左佢收工。唉.....仲有果１０分鐘既時間就咁樣冇左，之後全程係到做ｌｏｂｂｙ，我個胃又係到痛，食野既時候係咁俾人叫左出去做呢樣做果樣，跟住係到喊．．．冇耐卡雯又因為Ｄ客人既關係，又係到喊。８點幾大老闆番左利，叫左ＭＯＥ仔去傾兩句，傾完冇耐ＭＯＥ仔係到喊。ＭＯＥ仔可能升唔到經理啊.....

今日好唔開心啊，今日有好多人喊啊