今日本來要番4點既，一諗起又要見到嘉嘉....算啦，就放一次飛機啦，我知道咁樣係好傻，為左唔想見到佢就選擇去逃避！！！不過都算好，同麗華、ＣＯＥＹ、ＴＲＡＣＥＹ、阿明佢地去左旺中唱Ｋ，點知去到火車站果到開始知塞車，遲左半個鍾！！！不過到左冇俾人罵，哈哈.....去到果到唱左３個鐘，我覺得我地成班女仔去行街唱Ｋ，有阿明係到好似好唔自在既感覺，得佢一個係男仔。唱完冇耐ＣＯＥＹ去睇醫生，得番我地４條友去朗豪坊行街。我宜家先發現，我地４個人係路痴利，兜左幾陣先去到朗豪坊�寣A�嶈藒M間想聽到佢把聲，之後就打左個電話俾佢，傾左３、４句就收左線，收線果一刻好想喊啊，點解我地會變成咁嫁，係你變左定係你變左，宜家冇晒野講，連傾電話都冇牙 ！！！冇耐ＣＯＥＹ番左利，我地就去左一間麵店食晚飯了，果到Ｄ飯同小菜幾好味，不過就係價錢貴左Ｄ．．．．之後本來諗住去睇『神奇4俠：銀魔現身(Fantastic Four: Rise of the Silver Surfer)』點知ＴＲＡＣＥＹ同阿明又話唔想到鑽石山睇，最尾得我、麗華同ＣＯＥＹ、去睇，不過套戲真係幾好睇，冇選擇錯誤！！！
出奇地，我今日放飛機公司都冇打個電話俾我，唔知係唔係ＭＯＥ仔講左我今日唔番工呢？唔想去諗啦，今日除左某件事都算係幾開心既
分類: 未分類 | 
