今日係係端午節，不過都係要番工＝．＝

今日好早就起左身，同麗華、ＣＯＥＹ佢地去睇『戲王之王(Simply Actors)』，雖然係攰但係我都好想同佢地去睇，約左係公司等，冇耐去左沾仔記食雲吞麵，我覺得佢Ｄ雲吞麵都唔係咁好味，食完後驚唔夠時間就即刻飛的去荷里活廣場，點知早到１個鐘左右，仲有好多時間去打機，玩完後隻右手勁痛啊！！！夠鐘開埸了，入去時候買左Ｄ爆谷入去食，我覺得套戲麻麻地唔係好明佢講咩，只係係到笑，其實我都冇點笑過！！！！

２點半左右睇完，之後陪佢地行左一陣，冇耐又要飛的番公司。坐的士時我係到同自己講，就算幾攰幾唔開心我都要笑，就算我係到喊都冇補於事，人地只係覺得我仲係一個未識得面對困難既細路囡！番到公司冇耐就要替嘉嘉食野，好唔開心啊。係ｌｏｂｂｙ見到Ｄ細路係到玩真係幾開心既，但露唔出笑容就算係到笑，我個心都唔高興，由６月頭開始就係咁．．．後來卡雯再替我食野，差唔多夠鐘，得知自己又要出番ｌｏｂｂｙ，諗住坐多１個字先出去。坐坐下坐到差唔多半個鐘，好唔好彩俾阿輝知道左，俾佢話左幾句。

今日１２點幾先收工，好攰啊，個腦空白一片.....原本有諗過等埋佢地收夜，點知冇意中睇到邊個個電話牆紙係果個女仔張相，好想喊啊。後來冇等佢，一路行番屋企一路係到喊。心諗我以前咁樣做，都冇晒希望了，以前日日等你，等到４、５、６點係為左Ｄ咩？我寧願訓少Ｄ都希望番係你身邊，希望你會在乎我，希望你.....如果我真係可以忘記你就好了，每當我下定決心唔同你講野，你就會狂係到同我講野，令到我冇辦法下定決心，每一日都係咁！！！

係麗華個日記到見到佢買左咁多野，我都好羨慕啊。