好唔開心既一日啊，今日為左佢喊左幾次。點解我會鐘意左一個唔會鐘意我既人啊！？

今日番三點，總算有多少少時間可以訓覺了。６點幾俾我牙哥嘈醒左，再訓過啦。起身冇耐，我牙媽講左一大堆既說話，話唔準時食野又唔早啲訓覺。所以咪會胃痛囉，大佬啊，我都想可以定時食野嫁。公司唔係話俾我食野就可以去食野嫁，都要睇埋環境因素嫁，我都想可以準時食野。

今日番到公司聽到卡雯同安怡係到講有冇後悔冇讀書果啲野。後來問到我，我講真，我真係冇後悔到自己冇讀書就出利做麥當勞。我都唔知自己係唔係做死一世既麥當勞，就算一世做死麥當勞又唔係一件壞事利姐！？我宜家後悔既只有兩件事，只有呢兩件事，不過唔係關於讀書同公司既事。

今日都過算過得去啦，係６點幾前算過得去。今日成６點幾先食野，餓到我死死下咁，好彩冇點樣胃痛。其實５點幾ＭＯＥ仔有叫過我牙哥利替我食野，不過我見到佢都好攰既樣，佢個表情又唔係好想替我食野既樣。所以，算了反正６點番利一定有人可以替我食野。今日係到唸今日可唔可以見到佢呢，點知聽到ｍｏｅ仔同壞人講，今晚佢唔會番利，我真係好開心啊。點知最後唔係想像中既好啊，一番到利只係掛住坐係到玩ＰＳＰ。本來我已經俾啲客人整到好嬲嫁啦，唸住見到佢可以開心啲啦。咁仲衰，收工後，我想係休息室係換衫，叫佢可唔可以係lobby到打一陣。點知點樣做佢都唔肯出去，我已經好唔開心啦，仲要係我既少少要求你都唔肯。我真係好失望啊，咁又係，我又唔係果個叫晶晶既女仔，對你利講，我只不過係一個俾你玩完就算既人利。你又唔係唔知我最怕既係鬼嫁啦，你又唔俾我係休息室換又唔肯陪我去換衫，你想我可以點姐！？去換衫既時候俾壞人見到我喊既樣，佢問我有冇事，後來佢走去問佢發生左咩事，不過聽唔到佢地傾啲咩。後來去左後樓梯到喊，我真係好辛苦啊，點解啊。點解我會鐘意左一個唔會鐘意我既人啊！？當初唔鐘意我就唔好俾一絲既希望我啊　換完衫俾ＭＯＥ仔見到我眼紅紅既樣啊，起碼都問我有冇事，反而你只係係到打機。幫佢數完公仔後，就打算番屋企嫁啦，但係我又想見多你幾眼。不過好可惜啊，你只係掛住係到打機，完全冇理過我既感受啊。當我真係要離開公司既時候，你都可以唔理我。我走出門口既時候真係好希望你可以跟埋出利送我番屋企，點知行左一陣我已經係到停低左了，我真你好傻啊。真係相信你會走出利送我番屋企，仲傻到，你唔希望我係休息室係為左我唔俾人冇啦啦咁衝入利俾人睇虧晒。可能真係我唸太多了，見到你咁耐都冇掛到我送俾你既電話繩，唔多唔少都有少少失落既感覺，就算係麗華咁講，你唔掛我會唔放過你。你都唔肯掛啊。以前你同嘉嘉既情侶電話繩仲掛係到，你宜家真係對嘉嘉冇果種意思？好辛苦，真係唔想繼續唸下去，可唔可以俾我一直訓落去，訓到不醒人事咁，咁樣就唔會咁痛苦啊.....