琴日5點幾先訓，今日１０點左右麗華叫我起身去『漫畫展』。約左係大快活等，點知我係最早到既一個人。係大快活食完野後，ｃｏｅｙ係７仔有票後就搭車出發了。唔知算唔吞好彩啦，我地入場時唔係好多人，到左我地離場時見到勁了多人入場啊！係會場見到好多人著住ｌｏｌｉｔａ既服裝啊，有啲勁誇張啊。我覺得個『漫畫展』一般般，唔知係唔係我冇咩心情去欣賞啦，我對呢個『漫畫展』唔感興趣。行左一陣我已經好攰啦，後來搞到麗華同ｃｏｅｙ要咁早就走了，係會場住左一陣就去左『許留山』食甜品，幾時都覺得『許留山』啲甜品好好味啊！食完野冇耐就搭車番土瓜灣，坐坐下竟然訓著左，我可能真係太攰啦。番到屋企想訓覺，但我又驚會起唔到身，如果我唔番工會俾人煩到身不如死啊！點都要支持落去.....番工冇耐就開始多人了，好攰啊，好彩冇遇到啲麻煩既客。好唔容易先捱到收工啊，有時覺得自己好冇用啊，做少少野都做唔到。就好似收工後幫ｍｏｅ仔數公仔，咁簡單既野，我都可以算錯囉。搞到ｍｏｅ仔盤公仔數亂晒，仲要佢自己數多次，我真係越幫越忙啊。臨走時送左個係『漫畫展』買既『史力奇』俾ｍｏｅ仔，買之前都有唸ｍｏｅ仔會唔會有呢一隻公仔呢？好彩佢屋企冇，好開心啊，見到佢咁鐘意我送俾佢果個『史力奇』。