今日又係放假，唸住可以訓耐啲，點知都係俾人嘈住晒。

４點幾就去到公司樓上既商場行，點知見到露露、嘉嘉同牙舒係譽麵坊食野，係咁就坐低同佢地傾計。原來等陣我同參加果個咩咩大賽係冇野食，５點幾，就坐旅遊巴到灣仔會議展覽中心了。差唔多７點先可以入到會埸，等到好苦啊=.=開場冇耐，就開始悶了，講埋一大堆無聊既野。後來就開始表演了，首先係陳奕迅開始唱歌，之後就到張敬軒、王菀之，特別嘉賓就係譚詠倫。不過好嘈啊，啲人係咁係到尖叫！都唔係聽得好清楚佢地唱歌....

都算玩得好開心既，仲識左一個孖７既男仔，佢有少少傻傻地，係咁俾我同ＩＶＹ打，後來仲互相交換電話。睇完個比賽就坐車番公司，係車到就訓著左，真係好攰好眼訓啊。之後就同佢地成班人去左食野，啲野都ＯＫ好味。後來番左公司，邊個就俾katherine問話，後來話題就去左大宇身上。原來大字升唔到中五，問到會番係到升職定係升學。佢地話一定要讀埋個中五一定要攞埋個中五證，咁樣將來會冇咁辛苦。katherine都叫我唸下將來既事，我都好想攞到張證書，但係我真係冇興趣讀書啊。我都有唸過同麗華一齊讀夜校，我又驚會半途而廢。

今日見係會展見番之前既ＹＵＫＩ，原來佢係寶琳升左ＣＳＡ。見到佢同邊個貼埋塊面係到傾計，又擔心同佢會唔會愛火重燃！唸住今晚可以同佢傾計啦，點知都冇。一直留係公司唸住有希望，點知希望越大失望越大！！！