今日俾牙爸嘈醒，傾電話傾到勁大聲。難得可以訓得咁耐，咁都要嘈住晒！！！

今日３點幾，又去左麥當勞食野了，不過呢次唔洗我俾錢既！歡歡打個電話利問我，ＴＯＭＭＹ同志平吵果件事，其實最有問題既係志平，ＴＯＭＭＹ仔已經係第３個俾志平激走既人啦！之後問歡歡我可唔可以提早放大假？佢問我點解？其實都冇咩點解既，我只係覺得好攰，同埋唸下我自己係唔係應該作出一啲決定呢！？希望我係呢段時間試下可唔可以忘記到佢，雖然短短果７日既時間，但我都希望試下，可唔可以.....

今晚既晚餐有我最鐘意食既『茄汁蝦』，好好味牙！！！食完之後個喉嚨勁沙，不過都冇咩所謂啦，真係好好味牙∼＾＾∼

呢排覺得自己大食左，好似食極都唔飽咁既。而且仲肥左好多，大腿同手臂都多左肉。唉.....ＴＯＭＭＹ仔都話我肥左啦