今日１點幾出門口搭車去旺角，係火車站到狂塞車，差唔多２點先到，要麗華同ｃｏｅｙ等我好耐。首先係去左大家樂到食野，之後就去左瓊華行，去到真係有好多靚衫買不過就係價錢貴左啲，我都買左一件衫利著！今日發現麗梓係瓊華某間店到做，佢個頭勁金。差唔多離開既時候又見到寶瑜佢地成班人，都唔知點解會撞到咁多熟人既！？跟住又去左潮流特區行了，去到買左一條短褲利著，不過番到屋企先知條褲有少少唔岩著。本來佢地想繼續行嫁，只係我對低踭鞋太過頂腳了，我痛到行唔郁，我地唯有搭車去左九龍城廣場唱Ｋ先。

我地３個係最早九龍城廣場既，５點９就開左間房了，之後自助餐開始。我同麗華就去左拎野食，咁左拎左４、５碟野番去。發現我地好似餓鬼投胎咁，狂係到食野，係冇人係到唱歌嫁，只係係到聽歌食野。食飽了就開始唱了，跟住牙明同今日既壽星女ｔｒａｃｅｙ就利左了，發現成日唱Ｋ開始覺得悶了。不過當中都有少少搞笑既野，冇耐牙強都利埋了，差唔多係時候慶祝ｔｒａｃｅｙ生日！佢果到送左一個蛋糕同一枝香檳俾我地，唱完生日歌就開始切蛋糕同開香檳。個蛋糕好味到係冇人食囉，一個勁普通既海棉蛋糕，早知就我地自己去買一個啦，不過反而枝香檳幾好飲，成枝俾我個飲晒∼＾＾∼埋單既時候覺得好貴牙，壽星女唔洗俾錢，咁就我地５個俾啦，每人成＄１５５。心痛死啦......之後麗華同ｃｏｅｙ就去左荷理活廣場繼續行街啦，我、牙明同ｔｒａｃｅｙ飛的番公司開會。

其實我番去開會只係想知道佢有冇番去開會，如果唔係呢個原因我先冇佢地咁無聊係到聽佢地講廢話。初初唔見佢係到仲以為佢唔利開會添，之後就見到佢同我牙哥一齊出現了。我發現我既目光冇辦法離開到佢，今個月既最佳員工竟然係我牙哥、ｋｉｔｔｙ同清姐。佢地攞到我反而覺得冇咩事，最食驚既係我牙哥咁都可以攞到，不過佢都有做得好既地方既！個會無聊到爆，每一個經理都係到自我介紹，係玩遊戲既時候先係覺得好玩！不過啲禮物就差左少少了.....開完會就走左了，行番屋企條路好痛苦牙，真係痛到行唔郁！

今日又問左ｃｏｅｙ借錢了前後問佢借左＄５００，件衫＄２１８、短褲＄９０、唱Ｋ＄１５５。自己冇辦法去控制買野！不過今日行街都幾開心既....