番１２點，番工冇耐歡歡就叫左我同麗華去食野了。今日ｌｕｎｃｈ都唔算係太忙既，好快就散晒啲人。ｌｕｎｃｈ遇到中學既同學利買野食，係到扮晒熟咁，咩都要多啲。

２點幾同歡歡講叫佳佳聽日替我番工，點知都係俾佢罵囉，搞到麗華俾佢捉左入經理房訓話。真係唔明佢想點既，都搵到人替我番工啦，仲要咁煩。真係唔想再留低做野．．．．．．．

本來番１０點既，俾牙輝改到８－４了。換衫既時候係到唸，拉卡後可以食野就好了，點知我洗完手真係叫我去食野。

今日我又睇錯時間表了，點解會咁嫁？今日由唔忙變到勁忙牙，大家都以為今日會好靜。

宜家越利越唔鐘意果２個人了....今日又遲收工，啲經理真係好廢牙．．．

夜晚同ｍｏｅ仔去旺角，唸住買手機既，但係最後都冇買到，只係周圍行下咁，買左好多野利食。

番８點既一日，好早牙輝就放左我去食野了。忙碌既星期六又利了，過左冇耐，有４個人坐係１、２號枱，我知道佢地係到講緊我，一邊講一邊係到笑，笑啲咩呢？到左其中三個人利問我攞糖攞紙巾果啲野，成班人之中我識到一個，佢係牙姬既ｆｄ掛？？？勁無奈，坐咁耐，就望咁耐.....

ｌｕｎｃｈ忙到爆，三個最唔想見既人都係晒到。係６號機就俾５號機個仆街係咁撞。一句對唔住都冇囉，好似係我撞到佢咁！３點幾食野，好攰......

(閱讀全文)

今日最大既老板利巡鋪牙，歡歡就叫我番早啲，番１０－６了。

番到要化妝囉，同埋有好多人冇食野，我都唔明點唔放人食野？

１２點，大老板利左了，都唔夠５分鐘就走左了。就係為左佢行５分鐘我地就要做咁多野，唉....

好忙牙ｌｕｎｃｈ，１點幾先食野，餓死人啦。之後啲人就間斷間斷咁利。夜晚又唔夠人用，ｂｉｒａｎ就同我講收８點啦，真係唔夠人用。唉...算了，反正都唔夠錢用，番多２個鐘了。

好攰好ă......

(閱讀全文)

情人節

今日放假了，但係都係自己一個人過，好想搵番一個男朋友陪我過....

手機既時間慢左２個幾鐘，當我睇緊電話時以為係１１點幾，點知望其他鐘就２點幾了。

今日夜晚出去旺角小肥羊打邊爐，等左一陣先有位。係到等既時候見到人人都係一對對，好羨慕牙、而且仲攞住男朋友送既花。後來ｍｏｅ仔都利左，食到１０點。最後去埋『許留山』食甜品先番屋企.....