|
2006 年 6 月 3 日 星期六  | |
|
點解一定要我撞番佢喎？  |
|
經過完一日既回憶之後．．．我要面對另一個問題．．．其實我都唔知佢係有意定係個天要考驗我對老婆豬既愛．．．居然向一個咁特別既日子比我撞番佢．．．雖然已經過去左．．．但係我都唔會因為時間既長短而將佢忘記．．．我依然係認得佢．．．依然會諗番起我同佢一齊既日子．．．依然會記起我同佢分手果一刻既情景．．．但係我發現左一樣野．．．就係我居然係無左果一種傷心既感覺．．．亦都無左果一種牽掛既感覺．．．總括黎講我係對佢無哂感覺．．．無哂感覺都唔代表我地唔再係朋友既．．．我仍然有同佢打招呼．．．仍然會傾吓計．．．不過就向呢個時候．．．另一個問題就出現喇．．．佢向呢個時候同我講．．．佢同某君分左手．．．佢話佢忘記唔到我．．．想同番我向埋一齊．．．仲問我以前對佢既承諾會唔會實踐．．．向果一刻我真係好想同佢講清楚．．．但係我又唔想太過傷害佢．．．所以我無答過佢任何野．．．只係話比佢聽我有野做．．．呢個問題就遲Ｄ搵埋ＣＡＲＭＥＮ媽一齊先再講．．．因為佢同阿媽之前係有Ｄ問題發生左．．．佢地大家根本唔會搵大家．．．亦唔會主動同對方講任何野．．．所以我叫佢搵埋阿媽先搵我．．．咁我諗佢會知難而退喇掛．．．不過過左無幾耐．．．我真係收到ＣＡＲＭＥＮ既電話．．．我諗就算我再蠢都知道究竟係咩事啦．．．咁就無辦法喇．．．唯有同佢清清楚楚咁同佢講啦．．．雖然我唔想傷害到佢．．．但係我都無辦法．．．向今次我好直接了當咁同佢講．．．我同佢已經無可能再向埋一齊．．．有Ｄ野過去左就過去左．．．無得返轉頭．．．我對你好果陣你又唔珍惜．．．到我放低左你果陣你又黎拉住我．．．你究竟想我點？？？同埋我同老婆豬好開心．．．我亦都好清楚知道老婆豬會係我最愛既人．．．我更加知道我對老婆豬既感覺係永遠唔會變
夜晚我有同老婆豬講起呢件事．．．但係佢好似好無心機咁．．．我都唔知點解．．．加上佢尋晚問左我一個問題．．．佢問我點解會真係鍾意佢？？？其實乜鍾意都有得假既咩？？？定係佢覺得我對佢係假呢？？？之但係我都有好認真咁答佢：我愛你既原因就係因為你對我好真．好關心我．對我好好．同埋我見到你果陣真係有一種感覺．一種令我覺得你就係我要搵既女仔．我一定唔可以無左你既感覺！．．．不過除左呢件事之外．．．我地都傾得好開心．．．時間亦都過得好快．．．我地都傾到成點鐘我先去做野．．．搞到又要趕餐飽既
|
|
[ 訪客留言(0) ] [ 編輯日誌 ] [ 分享至FACEBOOK ] |
| 2006 年 6 月 2 日 星期五 | |
|
分手之後一年，我先夠膽講出黎 |
|
尋日係一個好特別既日子．．．特別到我根本唔想有呢一日既存在．．．又或者每一年都無左六月一日．．．咁我就安樂哂喇．．．只可惜呢一個只係一個夢想．．．現實始終係現實．．．呢一日唔會突然之間唔見左．．．
尋日其實係我同ＣＡＮＤＹ分手之後既第一年．．．但係又唔可以講係第一年既．．．因為我同佢嚴格黎講只係可以話係開心左一年．．．之後既時間就真係（拖）．．．我地大家都知道分開係遲早既事．．．佢對我無哂感覺係一個不爭既事實．．．雖然我知道佢同左第二個向埋一齊．．．但係我無勇氣揭穿佢地．．．我好唔捨得佢．．．果陣我真係可以做到一個人拍拖．．．憑著我同佢既回憶去尋開心．．．諗住佢去做每一件事．．．但係向我心入面明白呢Ｄ日子係唔會再有．．．直至上一年既六月二日．．．可能佢覺得我真係阻住佢喇．．．亦可能佢都覺得拖左三年真係乜都夠喇．．．佢先正正式式同我講分手
 |
|
[ 訪客留言(0) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | 7 | 8 | 9 | 10 | ... | 21 | »
|
| «‹ July 2015 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
唔制呀．．．不過點都好．．．我應承左老婆豬既野一定要做得到既．．．我忍．．．最多今晚返公司架姐．．．係辛苦小小．．．但係可以陪老婆豬耐Ｄ．．．都係值得既
為左老婆豬．．．我做乜都無所謂既＾＾不過尋晚都有樣野好開心架．．．就係又收到老婆豬錄既歌歌喇．．．今次係第四首喇．．．真係好開心．．．今次把聲好似有小小唔似佢之前唱歌歌既聲．．．但係都好好聽好甜
我好鍾意．．．但係我仲未聽得出首歌係咩意思．．．希望老婆豬今晚會話比我知啦．．．總結一吓老婆豬比左咩歌歌我啦：１痛愛 ２十分愛 ３童話 ４偏愛．．．每一次都比到我唔同既感覺．．．但係每一次都有一個共通點：就係好開心．．．因為係老婆豬比我既．．．先唔好理首歌係咩意思啦．．．但係我可以肯定一句．．．就係一定係我收到最好既禮物
好喇．．．唔寫住．．．又開始流眼水喇．．．抖抖先
今次又唔知要住幾多日喇．．．最慘就係又要老婆豬擔心我
．．．一陣又要返番去做檢查．．．講起向醫院就真係好難頂呀．．．Ｄ野又難食又淡．．．張床仲硬過木板．．．又度度都唔去得．．．仲要無野玩．．．剩係可以睇書．．．加上Ｄ藥又無用喎．．．又唔比止痛藥我．．．搞到幾辛苦呀
不過都無得怨既．．．都係自己任性囉．．．但係我真係好想體會一吓老婆豬既感覺．．．唔講喇．．．對住個電腦一陣都標哂眼水
尋晚同老婆豬傾電話．．．好開心好ＳＷＥＥＴ呀．．．不過最衰就係休息室用左黎擺貨．．．搞到我要向寫字樓傾．．．連埋我有四個人向度．．．即係有另外六隻耳仔向度聽我講電話
之但係講起無奈既話．．．就唔夠前晚無奈喇．．．前晚我同老婆豬用ＭＳＮ傾計計．．．因為我係一放工就開ＭＳＮ．．．同老婆豬一路傾一路食野．．．食完之後去左洗碗．．．洗完碗之後諗住去沖涼涼既．．．但係我又掛住老婆豬．．．咪帶埋個手提電腦入去沖涼囉．．．一路沖一路陪老婆豬傾計既．．．點知老婆豬佢裝人地沖涼喎（開左ＣＡＭ）
仲要好全神貫注咁望實哂．．．真係幾無奈都有
不過算啦．．．橫掂佢都睇左喇．．．加上佢要睇既話應該一早就睇哂啦．．．只不過我係估唔到佢會咁留意姐．．．下次一定要還以顏色！！！嘿嘿嘿
好喇唔講喇．．．一陣仲要做野．．．
