2006 年 5 月 13 日 星期六  | |
|
攰死．．．唔寫日記住喇．．． |
|
我今日好攰攰．．．一陣仲要開工工．．．抖多陣先算．．．唔打日記喇今日．．．拜拜
|
|
[ 訪客留言(1) ] [ 編輯日誌 ] [ 分享至FACEBOOK ] |
| 2006 年 5 月 12 日 星期五 | |
|
聽日可以同老婆豬去街街喇．．．  |
|
好開心呀．．．聽日可以同老婆豬去街街喇．．．真係好開心又好期待
 老婆豬仲問我聽日會唔會有咩要求添啵．．．其實我要求既野又會有幾多丫．．．來來去去咪又係得果兩樣．．．不過我唔會同老婆豬講囉．．．我真係驚佢會聽到厭
 其實我最想最想既咪就係佢永遠都可以開開心心同埋可以比我永遠咁陪住．．．就係咁簡單囉
 其實有人同我講過：「世事無絕對！」．．．但係我想同佢講．．．呢個世界上有野係絕對架．．．仲會唔止一樣添呀．．．第１：我絕對係會愛老婆豬一個，永遠都唔會改變！第２：老婆豬絕對會成為全世界最幸福既女人！第３：為左老婆豬開心，我絕對可以為佢做任何野！等等．．．．．．所以話．．．我對老婆豬既感情會係絕對既．．．亦都絕對唔會改變！
咁你地話喇．．．世事係咪真係有絕對先？？？講真．．．有好多人都睇唔好我地既關係．．．又有好多人覺得我地係唔會有真愛．．．甚至連我最親既人（我既後父後母）都睇唔好我地．．．但係我唔理．．．橫掂我可以為佢放棄任何野做任何野．．．就算而家我同屋企人反哂面．．．同全部朋友絕交．．．我都唔在乎．．．只要可以同老婆豬向埋一齊．．．就算要埋我條命．．．我都一定會毫不猶疑咁付出．．．可能你地會覺得我好傻．．．但係每個人都總會傻一次架啦．．．只要我自己覺得開心覺得值得咪夠囉．．．其實我做咁多野．．．都只係為左老婆豬可以快快樂樂咁生活．．．可能到左最後我會一無所有．．．但係我都盡左全力．．．付出哂我所有．．．我已經今生無悔！！！
 |
|
[ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 11 日 星期四 | |
|
女人十句最攞命既說話？？？  |
|
今日睇到一段報導．．．內容都幾搞笑
 仲有Ｄ恐怖成份．．．不過睇真Ｄ又好似唔係好關我事咁．．．因為我覺得老婆豬唔會同我咁講．．．就算佢同我咁講野我都唔會覺得攞命．．．其實講真．．．你愛一個人就知道有Ｄ野唔講得．．．而其他野都會自動自覺．．．咁又點會出現呢十句說話呢
 所以話呢十句野都幾多如吓．．．唔信
大家睇吓啦：
「你愛唔愛我？」
面對呢Ｄ咁難答既問題，講真話又怕佢唔受，講大話又怕比佢識穿，真係唔知點答先好，就算話愛佢，佢都未必信，真係點答都死。
「Ｈｏｎｅｙ，我呢個月無黎呀！」
除左Ｄ恨有ＢＢ恨到發燒既住家男人之外，相信其他男人聽到呢句說話，都唔慌會有好面色，求神拜佛希望呢個『親戚』只係遲到，唔係無到。
「乜你咁快架！」
邊個男人想自己咁快玩完架？遇上呢Ｄ情況，男人已經好無面，仲要比條女膶，唔兜巴星佢已經算係皇恩浩蕩。坦白講，可以搞到咁耐既話，都走左去拍ＡＶ啦！
「我之前個男朋友點點點架！」
既然仲諗住之前個男朋友，記住佢呢樣果樣，咁仲同我向埋一齊做乜野呢？有陣時都唔明Ｄ女人點解要咁講，究竟係想攞景定贈興？
「今日到你洗碗喇！」
雖然而家追求男女平等，但係話哂家務呢樣野，都係由女人做合理Ｄ。不過，為左條命會長Ｄ，有唔少男人聽完之後，都只好奉命行事。
「Ｈｏｎｅｙ，今日唔得呀！」
唔係咁大整蠱呀？好日唔掂吓你，而家你先黎講Ｄ咁掃興既野，點解之前攬攬鍚鍚果陣又唔出聲，黎到而家做好哂熱身先黎講呢？
「我阿媽話．．．．．．」
做女既當然係黐阿媽多Ｄ，但係既然同得我一齊，仲提阿媽做乜呢？不過，女人講呢句說話，好多時候都係有野想講，又怕聽果個會嬲，所以先借阿媽過橋姐！
「我唔聽，我唔理呀！」
講得呢句說話，擺明就係發緊脾氣，但係唔理佢又唔得，除非係諗住飛佢啦！否則唯一既解決辦法就係扮死狗，廢事嗌落去有排搞。
「到底你係唔係男人黎架？」
通常都係向鬧交既時候，女方又諗唔到點反駁而講既說話，希望你會口下留情，用法就好似Ｄ人一遇到Ｄ神秘現象，就攞外星人作怪黎做解釋一樣咁茅柴。
「Ｈｏｎｅｙ，我想買．．．．．．」
其實向呢句說話入面，個『想』字係無意思既，純屬禮貌上用既字眼，所以聽到呢句說話既男性，只可以求神拜佛，希望女友唔好睇中Ｄ咁貴既野。 |
|
[ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 10 日 星期三 | |
|
完全迷失中．．．  |
|
完全迷失中．．．都唔知打咩好．．．
好人
說穿了我不美
若談樣子 不會叫好不算最討好
但我的內在美 不夠味道哪足以自豪
談為人當然好 雙手也好抱
無奈獨有伴侶問前路
沒有想陪同鄰家男孩跳舞 唯獨當我師徒
人人親近我 無人爭奪我
無人關懷是誰 大提賣親和
平凡像我路過 十個似我
你管不到哪麼多
天都不愛我 立心孤立我
平凡的人若提及情份便顯得不配麼
難道我看不到 現況正是結果
沒結果 沒結果 沒結果
由得我 無人爭奪我 無人關懷是誰 大提賣親和
平凡像我路過 十個似我 情敵實在太多
天都不理我 令我想清楚
感情事來自 由弱者所寫的悲歌
事實上為什麼不拍到拖 說穿了我不美
並無自欺 所有老死 只配作知己
|
|
[ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 9 日 星期二 | |
|
好驚！！！唔知點算好．．． |
|
比呢件事煩左我兩日喇．．．但係都唔知點算好．．．老婆豬要我同佢地道歉．．．但係我唔知點好．．．件事係咁既：前日返左屋企食飯，之前因為同幾個ｆｄ嘈完，果日心情好差。咁我後父見我唔開心，咁咪問我咩事，但係識我既人都知我唔開心唔鍾意講野架啦，更加唔會同人傾心事，剩係鍾意自己解決。咁我就一如以往咁，唔出聲剩係話無事囉。但係佢可能係驚我會亂諗野掛，所以唔肯放過我，一路向我身邊估。開頭我都無理佢既，但係到後尾我真係頂佢唔順，同佢講我同幾個ｆｄ反左面，先會心情唔好，想佢比個機會我冷靜吓。之後我冷靜左一陣，岩岩食完飯。佢突然間問我同老婆豬點，我咪話一切都好好，我地好開心無咩問題。（事實上亦都係咁，我同老婆豬一齊的確係好開心，無咩問題發生。）但係佢突然間同我講叫我同老婆豬分手
 話老婆豬咁細個，對我只係玩玩吓，我地唔會長久，我地之間根本就無真感情
 果一刻我真係好嬲。第１：佢又未見過老婆豬又唔識佢，點知佢對我點先？第２：佢點可以向我而前中傷我最重要既人先？第３：佢點可以以年齡黎衡量一個人認唔認真先？咁我咪同佢嘈左幾句，之後叫佢收聲囉。點知佢仲要嘈，仲話一定係老婆豬教我同佢地嘈，係老婆豬想分化我地喎．．．．．．我果一刻真係好心痛亦都好嬲，兩個我幾尊敬既人（呢件事之後好難講）話我最重要最心愛既人，我真係好心痛。佢地既無端端無理取鬧，令到我好嬲好嬲。結果，我一時火遮眼，衝口而出講左：我由細到大所有野都係我自己爭取返黎架，你地只係我後父後母咋，憑乜野去理我既事呀？之後我就乜都唔理咁走左出去，返左屋企。我返到屋企之後，覺得好唔開心，而成個人亦都好燥。我開左電腦，見到老婆豬ｏｎ左ｌｉｎｅ，我唔知應唔應該同佢講呢件事
 我唔想佢同我一齊唔開心，但係我又應承過話咩事都會同佢講。我掙扎左一陣，決定同老婆豬講哂成件事。我同老婆豬講完之後（唔知係我表達能力唔好定點？）老婆豬居然話我應該同佢地道歉！我明白佢點解會叫我同佢地道歉，但係佢又知唔知我果一刻既心情呢？佢知唔知我聽到之後有幾心痛？佢又知唔知佢向我心入面係幾重要？雖然我最後都應承左老婆豬去同佢地道歉，但係到呢一刻我都仲好矛盾，仲好驚去面對佢地。我諗緊，如果向我同佢地道歉既時候，佢地又舊事從提，咁我應該點做呢？老婆豬話我應該當咩都聽唔到。但係我問佢又做唔做得到呢？佢都話佢做唔到。咁我呢個咁衝動既人又點做得到呢？ |
|
[ 訪客留言(0) ] [ 編輯日誌 ] [ 分享至FACEBOOK ] |
« | 3 | 4 | 5 | 6 | 7 | 8 | 9 | 10 | 11 | 12 | ... | 21 | »
|
| «‹ July 2015 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
