今日放學

係輕鐵站

見到兩個大約係中一的男女

佢地不斷鬥氣.

「等左咁耐都係去天逸.算吧啦你你都係唔好番屋企」

「你咪又係陪我係到等」

「咩等.我屋企係隔離咋.一分鐘就番到」(個男仔指住天耀一幢樓)

「好叻咩.你唔好走啊.你要同我一齊等」

.

.

.

3架車走左.(因為我都係同個女仔一樣等緊TSW CIRCULAR.所以一路都無離開)

個男仔話「唉我走啦.」

「喂啊.你咁家」

男仔走到一半.突然掉頭回到女仔面前

「係喎我仲未有你電話」

「你想要我電話?6______」

「哦.」

「唔好打比我啊!」

個男仔走左

.

.

.

半分鐘後.有架天逸車黎左.我見仲係無天水圍循環線

我認輸.上左架天逸車

上左車之後我企定定.回望番去月台

個女仔傾緊電話喎.

個男仔都唔係行得好遠.不約而同地對住個電話係咁講野

印象深刻