今日係一年一度，每年唔同既日子–去旅行

首先，朝早唔知幾點翻到學校，之後九點就出發啦

第一站：赤柱廣場，都冇野做既，行左一震「美利樓」，悶，D舖頭都未開既，之後去左M記度歎冷氣，哈哈，歎完就去左個天幕下邊坐，坐坐下落大雨喎，我地咁多個之中得樂敏大人帶遮，其餘一律唔記得帶，真係糟糕呀…

第二站：淺水灣，一落車要行一段好似迷宮既路，搞到我要拎個「私伙」電筒仔出黎照（其實係拎出黎玩先真），之後行到去就講少少野就自由活動啦，咁我 、i r i s 、智敏大人 、梁家穎大人、樂敏大人去左長壽橋度睇，點知中途落大雨，去左附近個涼亭避雨，因為得樂敏大人一個記得帶遮，咁我地就走唔到，叫左樂敏大人同智敏大人去搵搵我地D同班同學老師係邊度，點知佢地搵極都搵唔到，咁我地要走啦，我同i r i s件衫有帽，可以遮下，但梁家穎大人一樣都冇，咁我就借我件外套有帽既比佢遮，因為我件衫都有帽，衝呀衝，衝到去一個唔知咩鬼地方，見到我地班個導遊，咁咪一齊等停雨囉，原來我地果班係個沙灘度避雨，有D仲冇帶遮添，搞到濕晒，不過我地都濕左好多，尤其是對鞋呀…之後就落左沙灘玩水，原本我地有著鞋，點知有D同學想除鞋，咁咪一齊除囉，唔係唔好玩嫁，咁又係喎！當我正想除鞋之時，咁要「登」D沙出黎，唔知D浪一黎，將左我一隻鞋捲埋走，咁我要執嫁嘛，點知一執，成個人比D浪整到跌左落D沙度，連個包包都唔例外，真係慘呀，走時成身濕晒，嗚…鬼叫自已要玩咩…

第三站：北角碼頭食Bufet，架船「浪」下「浪」下叫人點食得落喎，飲左三碗「羅宋湯」，正（個人認為）！

第四站：青馬大橋觀景台，悶的，見到有隻蟻，我同琪琪姐、殷姐、黎埕姐咪整死佢囉，點知又有一隻出現左（唔知係咪原先隻蟻個老婆呢？），咪又玩佢囉，點知比鄭sir發現左，佢話：如果再傷害小動物，就翻去作文！咁之後我地就冇再玩佢lu！

PS:智敏大人今次去旅行真係好辛苦喎，成日嘔，都怕怕呀…