考試日Day（二）實況

今日考中文聆聽、中文作文、中文/普通話Oral

中文聆聽ok喇，中文作文簡左二號題目，因為我唔識作第一題

中文Oral我覺得超難，一件發人深省的經曆，我都冇遇過，作都作唔出，一定好低分

普通話Oral都ok喇，我見到我第一part有三十六分呀，好開心呀，有史以來最高分既一次

成十二點五先走人，出到校門又要再等i r i s，之後等到就同左智敏姐，梁穎殷，i r i s諗下去邊度食l  u  n c h ，最後我地去左新翠，本來想食「吉野家」，點知又唔想，最後我地選擇了最貴既一間–椰林閣，哈哈，要等位喎，咪等囉，等左唔知幾耐，進到去，坐低左，咪叫野食囉，叫左個「算蓉汁牛扒」，智敏姐就好似唔知似咩咩汁豬扒，梁穎殷叫左個「香芒唔知咩咩飯」，i r i s就叫左個「唔知咩咩海鮮炒飯」，我同智敏姐飲凍檸茶，i r i s叫凍檸水，梁穎殷飲個咩咩唔記得左，凍飲加兩蚊，梁穎殷特別D加五蚊，最後食成一百四十四蚊，超貴，每人成為三十五蚊呀…

考試日 Day（一）實況

今日考英文作文、英文Oral、科學實驗試，我英作Part 1 唔識，唔知寫乜好，Part 2  I feel  好少少喇…

英文Oral，比個外藉佬M.R add 出神（拼音o既）考，都唔知佢講乜，尾二個考，成十一點八先考完英文炸，等死人，鬼叫自己姓

黃咩~~之後考科學實驗試，等左一震喇，冇英文Oral咁耐，要計波子密度喎，計到一百，唔記得自己寫單位時寫g/cm二次定三

次，如果我寫左三次，智敏姐同 i r i s 一定斬死我！放左學同智敏姐去M記食l u n c h，因為實在非常肚餓，唔鬼死打喇，哥子同

媽子去左街，有得玩電腦，順便寫埋日記，s o我今日特別早寫，唔鬼溫書喇，溫極都係咁！