今日朝早十點幾同呀馮幗貞去高威閣買「王子變青蛙原聲大碟」，因為我地一震要去奧海城個簽唱會比183簽名

其實我地事先叫左馮婉盈a n d t h e n董詩韻去霸著位，點知我地買之前佢地話D籌派曬，但唔知係咪真，個間CD鋪總於開門，我

地即刻買左兩隻走人，跑去地鐵站搭地鐵…

總於黎到奧海城o既露天廣場，一眼就見到馮婉盈a n d t h e n董詩韻，行左一震，D人真係話D籌派曬，咩唔係話十二點九先派

咩，當時只係得過十二點都未夠，o 哂囉 ！行多一震就見到梁穎殷係度，佢又買左「王子變青蛙原聲大碟」，打算比佢地簽，點知

都係冇籌，無奈，我地就好無奈咁係度試相機喇，睇下個位睇唔睇到或者影唔影到183，我地又玩自拍，不過冇我地個樣！呵呵！

好無奈地等…等…等…，總於等到兩點喇，不過佢地唔準時，兩點三先出現，之前D人又話佢地黎左，玩野，未黎！大概兩點二

果時，見到有個好高o既位置有人拎部數碼相機高處影落黎，有好多183 o既  fans話係王紹偉影我地，我都有少少信，因為我估

王紹偉會咁樣做！佢地一出場，就唱「迷魂計」，跳舞，一D都睇唔到，比人係咁迫，影相又影到遠一遠，跳舞果時我淨係見到顏

行書姐，佢果條孖潤腸……之後佢地唱完、跳完，我就見到少少明道，佢個頭好型呀…好靚仔呀…佢地又叫我地教佢地用廣東話講

183 D 名出黎，一個一個，好搞笑，不過我淨係聽到D Fans 用廣東話講佢地果個名，完全聽唔到183自已用廣東話講自己個名，無奈…之

後佢地除外套唱「真愛」，好好聽呀，聽到我都唱埋一份，我仲錄左少少呀，不過好雜，但係聽到佢地183把聲，之後我係咁跳高

睇，不過係唔成功o既，D人係咁迫向前面，迫到我又比人踩，又熱到我，個個183 Fans係咁迫迫，就黎死嫁喇，唱完「真愛」，

搞左好耐，因為佢地又要做訪問，又要影相，真係麻煩！做完曬果D野之後個簽名會就正色開始，即係我地要走o既時候，碟就買

左，名就冇簽，正因為係咁，我以特價將張碟賣左比阿馮婉盈，原本的九廿八蚊減到去九廿蚊，因為佢要交差比佢姑姐嘛，真係好

想有183個簽名呀，睇佢地唔夠候呀…唯有今晚睇勁歌喇，一嘗所願…

D相相::::

Hi!!!!

香蕉人馮幗貞

183五個…遠鏡

好唔清楚

除左外套，黃色衫

梁穎殷影嫁，好清呀，見到明道拌頭髮

今日l u n c h  o既時候，比人迫要食曬D唔係我整o既芒果布甸，又唔可以話比人迫o既，因為真係我係第一個第一口食o既，係智敏姐整嫁，都係佢果組D男仔，買芒果好心唔好搵D青色喇，貪平，智敏姐又話唔會食自己係家政堂整o既野，董詩韻又食幾口又唔食，話勁酸，又真係幾酸o既，到最後我自己獨力食曬，食到我有少少頭痛，酸死我！

到左放學，冇去到我班o既 BBQ，因為我要撲碟呀，首先就同馮幗貞、梁家穎a n d t h e n智敏姐去永利睇睇有冇「王子變青蛙原聲大碟」，…冇o既…之後去左我樓下果間VCD鋪睇睇，都係冇，之後同馮幗貞a n d t h e n梁家穎去高威閣睇睇，係有就有，不過…遲左一步比兩個大大大肥婆買先，真係唔抵呀，好比唔比比個肥婆買到，比183見到個肥婆仲得了o既！之後個老闆仲估到我地係買「王子變青蛙原聲大碟」添，因為聽日就係簽唱會喇，好多人買呀，個老闆同我地打電話去搵搵，佢話今晚九點鐘可能有，叫左馮幗貞留底電話，有o既打比佢，希望有喇，因為真係好想有183 club個簽名呀…