今日一點幾就出去，首先，要陪i r i s去永利買鍵盤同滑鼠，最後i r i s係買左一個滑鼠既…
之後就去柴灣泳池游水，約左梁家穎，大珊姐係泳池等，點知去到行樓梯果度就見到佢地兩個啦…
之後就入去，要比學生證同身份證佢睇，真係麻煩，大珊姐仲冇帶身份證添！
之後換完衫就去左BB池，玩左一震就去左中池玩，好彩點到地姐…唔係浸死，i r i s游水真係好勁，勁…
之後玩左又一震，i r i s話去大池游喎，咪游囉，起初落去果時都好驚，要i r i s扶落水，點知…我同
珊姐既惡夢開始啦，我地兩個都可以點到地下，不過唔係好好，之係想行去扶手果度，點知行到一半既時候…
已經開始行唔到，D水高過少少頭，行呀行呀，對腳已經點唔到地，死，我狂扶著珊姐隻手，我地兩個狂爭扎
D水狂高過我個頭，又好似抖唔到氣，個人狂向上，又跌翻落去，唔識游水既我好驚，好驚…
之後又狂郁，想游翻去扶手果度，點知D水又吸著我唔比我去，之後我就冇扶珊姐隻手，珊姐就又狂游，佢
可能有游水底子，我冇扶佢，佢就可以游到過去，而我咪又狂爭扎囉，唔想就咁Die，唔想變水鬼，
到最後一秒都要生存，之後就有個救生員拉左我過去啦，真係好險呀，唯一識游水既都走左到游第二度
梁家穎就狂睇著我同珊姐浸親，連佢都唔識游水，點救我地，講翻先，個救生員問我有冇事，我梗係冇事啦，有
事仲係度！之後佢話唔識游水唔好係度啦，翻中池啦，頭先D人都比你地嚇死！
之後我地就好籮咁走上去啦，因為可能有陰影，唔感再去大池，就連中池都唔感，就同珊姐去BB玩啦，
i r i s同梁家穎去中池，因為i r i s要教梁家穎游水，之後抖左一震，都係唔感去中池，不過算啦，
再抖多一震我同珊姐就去左啦！落水又同佢地玩，真係好正呀D感覺，正………玩玩玩到四點半，咁就走啦
換衫，沖涼，超麻煩囉！之後我地就搭的士去藍灣食野，食M記，叫左九號餐，食完都六點幾lu，就
同i r i s 搭82走人，我今日既游水經歷就係咁啦，你話驚唔驚險？