2007 年 3 月 15 日  星期四  

何為朋友呢？係咪成日埋怨你既係朋友？乜都要你陪既係朋友？當佢睇你唔順眼就周為同人講你既衰野係朋友？我都唔知。

今日我正式同我既所謂「好朋友」「打仗」，我知我尼張仗輸梗，因為所有女仔都係企係黃鈺芝果邊，連黃卓嘉都係，但係我要證明比佢地（黃鈺芝、吳海倫）睇，就算冇左佢地，我都可以係學校生存得到。所以係我有預感將要發動戰爭之前，我用我畢生既腦汁去計劃應該搵咩人幫我先可以係尼個咁急既時期同佢地打和呢（之前講左我係贏唔到既）？黃以迦真係唔係浪得虛名，係尼幾日，我死厚臉皮咁跟住黃卓嘉佢地，死都貼住，終於都講好左xxxxxxx（由於係秘密，所以用xxx黎代替）我真係佩服我自已，宜家我比預計強左好多，但係真係好辛苦，簡直同現今社會冇乜分別，我同宜家既大人要擔憂既野差唔多，但係我既壓力就多好多。

2007 年 2 月 3 日  星期六  

今日我會去草猛演唱會，初時我答應去係因為可以坐到好前，可能可以見到明星，後來睇完之後，我好開心，我冇選擇錯，佢地真係一個真正既歌星組員，特別係蔡一傑，佢真係好吸引。

2007 年 1 月 3 日  星期三  

今日係聖誕假完既第一日（即係要返學），係前幾日，仲未放完聖誕假，我自已一個係屋企，好悶好悶，其實我一直都好想放假，但係自從一件之後，我日日都想返學，因為我想見到好既奇蹟發生係我身上，特別係愛情既奇蹟。