朝早,就即刻駛用老吹神功,將lolita俾個作文吹夠200字......

之後就係mmlc上堂,當然係睇漫畫.....隔離行就狂打街霸.....=.="

如果lolita俾我地個個day5都咁「學習」就好......

phy 堂,又傾project......好慘......

係cl堂,係半睡半醒既狀態,就挨過一個鐘.......

今日係晏晝被迫之下,用lunch去中樂團練.....

個飯鬼咁耐先俾人托上來,之後食飯食到成點三(注:仲未俾飯錢xd),等人坐好都點四.....

依d就係我鍾意中樂團既原因,大部分時間都係坐,又唔駛點吹,搬野又唔到我,一句到未......正~!

之後就係咁依練左陣......睇到呀sir支新笛上刻左首詩.....

「青山隱隱水迢迢﹐秋盡江南草未凋。二十四橋明月夜﹐玉人何處教吹簫。」

吹咩簫呀,明明係支笛,條友係唔係都整首詩落去......=.="

之後個三堂好似唔駛上咁......中文,miss走左,數學就對練習簿,re,不嬲都冇聽佢講....=.="

返屋企又打aoc.......睇來要搵d野做,先可以抽離部電腦.......

長假後第一日返學.....好開心又見返班同學,感覺同平時有d唔同.....

可能係成日都係世紀帝國沉淪,自己又成日諗住點贏係度狂練......

言歸正傳=.="

諗住新一日有新既開始(好老土-_-),第一堂已經唔知係咩堂,直到見到KFC代言人走入來......=.="

咁耐冇見....依然仲係著住見問知係軍世軍定樂思會攞既中童發mo外套同後面鏟青.......唯一改善左

就係冇用sitting plan,自備name list......

之後就上左幾堂好悶既堂.....睇辯論,討論sci project......悶到就訓=.="

直至上lolita堂,例排狂講samuel d野,好在未聽到charry.......

好懷疑佢可以俾成個世紀佢數臭charry同講佢唔知ex左幾多個既bf......

由開學開始講到依家都講唔厭.......之後仲要迫我地做200字作文......(!@#$%*)

成個假都冇出街,點寫....=.="仲要叫我地寫落簿......(邊鬼度有簿呀~!)

希望下年咪再俾佢教.....

仲有日就返學,d功課都做得7788.....

諗返起成個假期除左屈左係屋企打機之外就係睇電視,個人仲未吽到野出來,真係奇蹟.....=.="

星期六例排返樂器班,今日先開始學個隻歌,3月就係校際音樂節,點算.....=.="

晏晝又打aoc,又贏......不過都係覺得自己仲係新手......

之後成個夜晚又煲d教學檔同睇魔戒......用前所未有既速度,用三日睇剩三分一,好正......

夜晚,無線又將重播左n次既少林足球再播多次=.="雖然仲叫笑得出.......好心無線買套功夫來播啦.....=.=

唔知鋼鍊幾時先做完......我連結局都睇埋....=.="

唔知點解好期待返學個日......

今日終於走左去睇鋼鍊套戲......覺得結局麻麻地......

之後去左圖書館,終於俾我搵到本雙城奇謀,搵左n個月......=.="(感謝上帝~~ )

返到來又打aoc,終於返到去以前水準,值得慶祝~~

法既遊俠+擲斧+重弩=最強組合??!

第一次用就打贏左......不過前幾日同街外人打,輸到貼地....=.=

決定要苦練,唔理考試~~~!!?

學始擔心做唔切d功課....