今日去左圖書館 搵心理學既書

有本書講人體202個密碼

第1個係 左耳入 右耳出

一樣野 如果只係睇一次或者講一次...係唔會記得哂..

只要係20分鐘內 講4次..溫4次..就容易記入腦

第2就係 懶訓既人  記憶力最強...

因為溫一個鐘頭書又唔訓既話 只係記到48% 

但如果你溫完1粒鐘 再訓返一陣... 就會記到七十幾%...

返學8粒鐘  你只係記到7%...你話可唔可怕

以後一落堂 小訓幾分鐘...記哂d野入腦先..

20分鐘內 睇幾次 同一樣野 你就記到嫁啦!!

之後講對比立效應..

一個成績好 同一個成績差既學生去考口試..

成績好既去考先...結果有8分(總分10)

之後到差既去考...只係得4分...

相反.. 成績差既去考先...有5分

之後到好既去考...有9分..

點解會咁呢?

因為"對比效應"

所以...如果你成績好 既 就同d 成績差既一齊去考

如果你係成績差既...  就同成績更差既一齊去考...

睇完書之後等埋呀健就返教會...你遲左3~4個字=.=

返到去 要團契

kimmy講野講到喊...嚇到我呆左...

完左之後...出左去休息下...無人理我-_-

咁我就自己一個人觀眾下d行為心理學既野啦...

不過本書我記到既 都唔知有冇7%...哈哈哈....

所以放棄唔理...

之後既時候我都無咩做... 

之後之後同之後都係之後...

返完教會 送健返屋企...

佢樓下都幾黑暗下...好驚比人圍-.-

送完佢 我一個人兜圈... 之後去總站搭車...中途 仲黑暗=_=

天水圍真係一個不可不防既地方