同佢傾電話已經成為左我生活ge一部份，有時我地會傾通宵，有時我地會博3line、4line同人傾，有時我地唔會傾，只係拎住個電話，各自做各自ge野，但不時又會叫下對方，喂下對方，睇下對方係唔係度。

  以前我終係覺得佢打電話黎，係煩，係討厭，但是慢慢我就覺得佢係關心我！

  每日果個時候，佢都會打比我，同我傾，我地多數都係傾D關於學校、屋企，有時我地會為左小小野而鬥架，係其他人眼中，我地好似情侶，但真實上，我地唔係。

  唔知由幾時開始，我每次喊，佢都會好準時咁打比我，一聽到我喊，佢都會哄我開心，好像講笑話，做D無里頭ge野，話請我食飯、睇劇，一定要哄返我笑，佢先會停。

  今日我為左件小事，同佢鬥架，跟住我喊，cut左佢線，之後佢打返比我，聽到我喊，就問我發生咩事，我喊住講：「聽住自已鐘意ge人同自已講，佢鐘意邊個，點樣同其他女仔去街、拍拖，自已重要笑住咁幫佢諗辦法去哄個女仔。你知唔知道我咁傷心？你又知唔知我為你喊幾多次？流過幾多眼淚啊？你究竟知唔知我有幾鐘意你啊？」佢冇出聲，放是我cut左佢線，喊左一大場，之後訓左，醒返就寫左哩篇日記！