六年la，原來唔經唔覺，我鐘意左妳已經有六年

諗番起以前

我為左想知道多d關於妳題野，我開左呢個blog

我試過上堂果陣時，偷偷地畫妳既背影

又試過為左追到妳，唔訓教，狂飲咖啡迫自己努力讀書

亦都試過希望可以起妳面前威風一下，專登加入越野隊，不斷練跑操fit自己既體能

甚至為左妳，曾經對岑生大打出手

呢幾件事，就好似係琴日先發生，到e+仍然係瀝瀝在目

不過，我並唔係藉此想講我追妳追得有幾落力，而係想話同妳講，好多謝妳帶比我咁多珍貴既回憶=]

記得曾經有人話我咁樣做係好唔值得，因為妳根本就唔會知道，我咁做只係一廂情願，而且好傻

雖然我的磪係一廂情願，但係過程中，妳令我覺得自己是一個有用既人，原來我只要肯努力讀書，我都可以攞到好成

績；原來我都可以跑得咁快

如果唔係因為妳既關系，我諗我e+依然係渾渾噩噩，對自己毫無信心，沒有任何夢想既庸才，多謝妳，多謝妳改變

左我既人生=]

原本，我係諗住反正妳已經有男朋友，就算我向妳講出心底話，都冇咩用，不如咩都唔好同妳講，收埋起心到就算

不過，睇完那些年，我覺得應該要同妳講出，我對妳既感覺，如果唔講，我一定會後悔莫及

今晚，我終於可以向妳講出心底話，

好多謝妳由頭到尾都冇cut我線，認真咁聽我發牢騷

我要講既，都講哂出黎，就係我好鐘意妳

其實臨打電話比妳之前，我都估到最終個結果係點，果然結果同當年中二果陣時一樣，妳都冇直接拒絕我

甚至當我問妳，妳覺得我係一個點樣既人，妳都冇講出我既缺點

我知道妳咁做，係唔想我唔開心，妳呢種識得為他人切想，善良既性格，正正就係我鐘意妳既原因

最後，好多謝妳聽完我向妳既表白之後，依然仲係當我係好朋友=]

我無以感激，唯有祝福妳同妳既男朋友生活愉快、感情穩固、長相廝守

多謝妳啊，矮妹舜=D