2008.10.07 星期二

今日..係出糧嘅大日子,所以中午落咗課就去出糧啦..成個月最開心就係呢個moment.啦..

本來我已經plan.好曬出咗糧要做乜做乜,洗費幾多..但係~突如其來嘅壞消息,搞到我心機都冇埋..

咪就係要交水電費咯~92丫!!雖然同其他人比唔算多..但係~我一個星期喺學校4日咋..有少少unfair.掛..而且最后嗰個月,我翻去幾日咋!!

好啦~冇咗100蚊,好多嘢都做唔到啦..我出糧就得雞碎咁多錢之嘛,咁都仲要剝削我..

下午茶去咗ikea.食咗個沙律..本來係tiramisu同cappuccino.泇..而傢縮曬水啦~~~~~最衰都係d.水電費..

夜晚留喺學校上選脩..今堂課攷試啦..眞係快丫,我先上咗一堂就話攷試..當然,好隨便咁.都過咗啦..87分..ok.啦~閤格就得啦..

以后星期二晚唔使上選脩,眞係輕鬆曬..仲有星期一,三嗰個flash.我都懶得理佢啦..攷試叫師傅幫我做就係啦..

jun jun.話新聞講.今日下午學校對麵個公厠有個女比人用鐵錘卜穿咗個頭,流到成地血..個女仔仲要可以抓到打佢嗰個先犀利!!

眞係好恐怖丫..乜而傢d.人咁鬼狼死泇!!好驚丫~~連我喺度生活咗差唔多二十年,都會比人偷嘢,就知道而傢個社會有幾亂..

2008.10.08 星期三

今日靜係上一堂英文課咋..眞係無聊丫,咁都要人翻去..我翻去嘅任務就係傾計..無奈..

落咗課,班組織去白雲山..我當然冇佢咁得閑啦..做咩要辛苦自己喎~而且我有約啦嘛..

同yaya.去購書中心買四級嘅書..我眞係好耐冇入過書店,變得唔識買書..好綵yaya.喺度,雖然佢都唔好得我幾多..

我哋揀咗好鬼耐,搵唔到王長喜(唔知有冇記錯).編嘅書..小雲同阿灰都話唔錯泇..不過算啦..按自己需要揀書都ok.嘅遮..

最后我同yaya.都買咗3本..不過大傢買嘅都唔同..要揀適閤自己嘅先有用泇嘛,無謂盲目跟風啦~

跟住我哋去咗剪髮..本來上午話好唔剪泇嘛..哈哈..點知下午又赱咗去剪..仲要同冇剪一樣..阿媽話我嘥錢..