琴晚唔知搞乜,訓得超級無敵勁爆唔好..每一個鍾醒一次喎~

最搞笑係,髮夢自己sd.咗msg.比李昊暉,跟住閙鍾響,以為咁快過咗三個半鍾..原來嗰陣先係03:09am..係髮短信嘅閙鍾..

以為自己會好唔開心..原來比想象中要好..係嘅~其實我都預咗,可以料想嘅結果,痛苦極都有限掛..

自己識得教楊健"情場如戰場,要愛就要搶"..自己呢~?!識得講,唔識得做..算啦..我知自己冇資格,高攀唔起嘅..go on waiting..

上Hrm.唔講得嘢,辛苦到爆..同磚磚成堂課傳紙仔,自己就玩手機,好難得先挨得一節..眞係想死..

經過上星期五搞到咁僵..今日個老師繼續週圍"la 興"d.火頭..按學號提問..唔知點解我3號都可以忽略我..豬頭話佢係怕咗我..哈哈..

明明今日兩個男就好乖~個老師就首先攞佢哋嚟開刀..哎~盧傢偉仲叫我忍喎~係佢先咁忍得..好綵老師得罪嗰個唔係我..

跟住佢又轉移目標話濤濤同謝玉君..過程眞係好搞笑..搞到濤濤不得不寫翻篇日誌"讚揚"下佢..

仲有個老師擺明玩阿細..眞係睇見都眼火爆..不過算~我玩手機,乜都睇唔到..其實眞係好興下..

最撲街係佢睇唔起我哋讀職中嘅..又話我哋答唔出"價值"嘅意思..本小姐好歹讀過兩年高中,X.科脩政治泇..伱就冇存在價值啦~

哎~如果我坐得前,我一定會駁翻佢..不過費事啦..哈哈..如果我話佢冇存在價值唔知佢會點呢~會唔會又激到佢唔上課呢~

下午上research.係討論課..諗住好好玩..開頭佢哋話幾個話題揀一個,我一睇..頂伱~咪全部都係我諗嘅..我自己揀翻自己d.橋呀?!

然后佢哋又諗咗幾個好枯燥苦悶嘅話題,繼而到搵書..哎~本書老師肯定熟過我哋啦,搵嚟都嘥氣..成堂課又係玩手機吹水過..

最后冇上選脩..死啦~唔記得問佢哋有冇點名添..哈哈..唔理啦~大不了又曠課咯~習慣咗..諗起上學期張list.都覺得壯觀..

今晚去影小一寸相喎~好耐未影過,好緊張..結果..十分唔滿意..哎~算啦..弊..張單唔記得放咗喺邊..

我髮現傻瓜27去咗我諗住暑假去做嘅公司度做咯~唔知佢可唔可以挨到同我做同事呢~哈哈..快D放暑假啦,我要去旅行!!!