琴晚好早就訓覺,10點8就關電腦,眞係難得..哈哈..我都怕我獻獻下血暈低泇嘛..
然后唔知幾點醒咗,聽到落好大雨呀~諗住今日唔使繙學啦~咁就好安心咁繼續醒..點知閙鍾響嗰陣,竟然冇雨落!!失望呀!!
上英語課,補眠..哈哈..得閑就玩下手機..仲叫咗人特登攞本書比我..磚磚話我"伱又唔聽課,又唔抄筆記,都唔知帶書嚟做乜"..我都唔知喎~
跟住口語課,好狀態外咯~睇<衰鬼上帝>都唔多明..Dave.解釋咗一輪,都仲要磚磚解釋翻比我知..好綵講課嗰陣都ok.跟到..
成日就係好眼訓好眼訓好眼訓..天氣問題掛..哈哈..
落咗課就去獻血..去之前就翻去交份嘢比孫靜.順便諗住攞埋個耳機,點知亞堯話唔記得帶喎~頂..又要等..冇耳機嘅日子好難挨aaa..
獻成份血都唔係咁恐怖遮..因為佢係一邊抽一邊入翻d.血翻去,我以為分開,咁就眞係好嘔心啦!!
我記得抽樣本嗰陣個護士死話我血管唔明顯..自己技術有問題喺度賴我..我承認我D血管係比較怕醜,但我之前都係咁抽血,打針泇啦..
獻血期間有得睇電影喎~高科技到呀~本來想睇<傢有喜事2009>,點知普通話,跟住就係<瘋狂的賽車>,又話笑爆嘴嘅?!我都冇點笑..
搞咗一個鍾多少少就ok.啦~電影都未睇完就赱..150蚊購物卡咁就到手..哈哈..之后梗係即刻去shopping.啦~本來想去食夀司添泇!!
同媽咪去買呀買呀..全部都係食食食..硃古力呀~紫菜呀~藷片呀~全部都係平時我買嗰陣明明攞咗兩份都要放翻低一份嘅嘢..
不過150蚊都唔係太多..靜係買食嘅都超曬支..太少啦~買得唔夠過癮..下次儲埋兩張,再同埋老豆一齊去買..hah~
翻到屋企,撕開張唔記得乜嘢,見到針口仲有血呀~最離譜嘅係,抽樣本嗰個針口徬邊係有瘀血泇!!個護士點做事泇!?冇技術!!
話唔痛就假嘅,睇住佢督嗰陣都好恐怖下..我又怕見血喎~仲要咁多,好綵我冇暈..翻到屋企都仲痛痛哋..不過而傢冇事lu~
今晚睇咗<愛的髮聲練習>..終于明白某人嘅資料嗰句"窗戶裏的小小的倖福"係乜嘢意思啦..我都好想要呀..
係唔係臺灣戲都鍾意唔多講嘢,然后比一堆迷到阿媽都唔認得嘅劇情伱慢慢分析體會泇呢?!好綵呢部都冇<pk.com.cn>咁深奧..
仲有睇咗第三節亞洲電影頒獎典禮..覺得趙微失落咗個獎..李浩林,Lisa S,尹子維D英文都好得呀~超級羨慕!!如果我有一半咁就好啦..
點解尹子維個樣十年都唔變泇?!由<半支煙>到而傢好似都差唔多..哈哈哈..至于Lisa S就老咗咯~快D同daniel.結婚啦~
睇<學警>眞係睇到好緊張呀!!最衰聽晚要上課啦~唔可以即時睇到啦~星期四又唔得閑..起碼等到星期5先有時間睇..
yeah~30號就去實習啦~萬歲!!!唔使上課lu~頂伱..天河區教育侷..又係要轉車..朝9晚5,撞正曬上落班高峰啦~天河又塞車又人多,煩!!
頂伱個肺,嗰個"打錯電話"又煩住曬..一日髮成10條msg,過嚟唔煩泇?!幾日都係咁,唔復佢都可以繼續髮..點解佢可以有咁多短信髮泇呢?!
哎呀~唔講啦..咁就12點..執埋嘢就訓覺lu~大傢晚安..
|
