實習嘅第一日,我又遲到..我都唔想泇..最衰部545開得咁慢泇啦..然后環市路又勁爆塞車喎~我預啱時間泇..所以就...............

我遲到12分鍾,點知部校車仲遲過我..明明話9點,佢有本事遲到18分鍾..其實本來係話8點10泇..佢遲到28分鍾呀!!!

去到天河區教育侷..哇~好大呀..例牌開會介紹,然后分配科室..本來我想去財建泇,不過磚磚話佢唔識用電腦,又話怕唔見錢..

最後如我哋所願去咗辦公室..佢介紹嗰陣話有接待呀,辦公室日常事務呀,會議準備呀,仲有唔記得乜嘢,總之好多嘢玩..

咁我同磚磚仲有蒜頭王子三個都去咗嘛..我就分咗去文印,磚磚就資料整理,蒜頭王子唔知佢生死..以為可以一齊做先一齊報,點知.....

去到文印室,得一個老師,仲有另外一個學生,到而傢我都唔知佢講咩名,好似係商祕嘅..講普通話嘅..本來佢係去工會泇,唔知點解喺度..

喺嗰度超級無聊,又冇嘢講喎~又冇嘢做..我又唔好意思喺度玩手機..最后赱咗出去同潔文N大聲妹傾計..佢哋財建泇..可以一齊做..

大聲妹問我點解識電腦都唔報財建..咁磚磚怕呀嘛..而且我對數字又唔敏感喎~雖然我眞係好想學下..不過算啦,已成定侷..

之后A老師(我唔記得佢姓乜嘢,不過我見到佢Q名係"稀稀")叫我幫佢派報紙同派信件..咁就做咗報童啦..有條友問我夠15歲未..癡綫..

中午去飯堂..頂~個飯堂12點開12點半就關..半個鍾喎~使唔使咁趕呀?!而且我同磚磚仲要同一個唔識嘅人share.一張飯卡..鬱悶..

嗰度D餸仲少選擇過學校飯堂..可能係我哋遲咗去掛..唔知呀~諗起如果以后日日都係咁就死人..大拿拿一個半月..哎!!

跟住翻咗會議室訓覺..好鬼凍,凍醒幾次..D人又講嘢..頂..亞堯嗰個耳機我髮覺我啱戴咯..我要同佢換過!!

下午就好少少,可以開電腦..不過兩個人得一部電腦..我就讓咗比人玩..潘老師就叫我幫佢做兩題論述題..睇字睇到我幾眼訓呀..

睇睇下書,A老師叫我去做會議準備喎~原來係焗定茶比D人..頂~點解我做咗清潔亞嬸做嘅嘢?!擺明我就係打雜啦!!

跟住繼續幫老師做題目咯..然后潘老師話教我哋用復印機..頂~佢部復印機咁先進嘅?!同學校見嘅唔同..佢又講得快喎~跟唔到..

又冇得比我哋練..有人嚟復印佢就鬼咁快手復印咗,應該慢慢講解,跟住比我哋實操呀嘛..最后我哋兩個係乜嘢都唔識嘅..

搞掂曬我就上Q..得閑到死死下..想玩QQ遊戲嘅,但又費事啦..所以寫咗篇Q-ZONE..人哋忙死,我就得閑死..

跟住A老師問我下午有冇去攞報紙..我見佢冇叫我,我就冇去攞..哎~原來佢認定咗我會自己去攞..我已經比人定格成為一個報童..

原來喺教育侷翻屋企唔使轉車,不過就撘咗好耐咯..塞車塞到傻,我訓醒N次都未翻到屋企,成個鍾有多喎~眞係人都顛..

日日朝9晚5咁眞係好煩..成日就比曬佢,仲忙過平時翻學..好煩呀~我唔記得咗我5月要考證,咁我邊有時間復習呀?!

譆譆~今晚好開心..一on msn.Max.就話髮埋第一條片比我..果然清晰好多..佢竟然唔知佢調轉咗部電話,眞係嘔血..

跟住有人約咗我暑假一齊做嘢喎~哎呀,好想快D到暑假..快快快..快快快..諗下都覺得開心!!

終于定曬今個星期嘅行程啦..滿一滿咁呀..星期日好慘,落咗班先出去,我個頭肯定"好有形"..

聽日要預約影樓先得,唔係遲咗就冇得影,就嘥咗張卷..藝術相呀..哈哈..我未影過泇..好興奮!!

哎呀~買咗衫冇錢啦..唔染髮住..咁鬼多長裝都唔知點算..仲有衣櫃咁多衫都未執又買衫,肯定比媽咪鬧..救命呀~