第一日喺屋企翻教育侷,梗係早d.出門口啦..原來都唔使一個鍾,聽日可以晏少少起身啦..哈哈..而且翻屋企又唔使轉車..

佢哋個個都話入嚟嗰陣比人盤,話個保安惡過隻狗..哈哈..我冇事喎~佢哋係唔係應該自我檢討下呢?!

翻到去冇嘢做..去咗攞報紙咯~哇..朝早好多報紙呀..分都有排分..搞咗N耐..d.科室訂埋訂埋咁多報紙佢哋都冇時間睇泇啦,浪費資源..

因為唔熟手,而且報紙又多,加上我整下又上下q.咁..派完報紙同信件都已經成10點半啦..哈哈..喺前幾日份晚報度攞咗張M記coupon..

然后又係上q,悶鬼死我..跟住磚磚攞咗份嘢過嚟比我復印喎~終于有嘢做啦~復印30頁,掀到我手都攰..之后又係無聊..

下午啱啱開電腦一陣,就見到報紙佬過嚟,跟住就繼續做報童啦..哎~嗰兩個副侷長仲忙過侷長,我入嚟兩日都未見過佢哋..

咁我平時教震機泇嘛..去派報紙行緊就feel.唔到震,當我feel.到攞部電話出嚟嗰陣,對方就cut.咗,係地王打嚟嘅,打咗N次都係咁..

之后司令打比我,話邱副打N咁多個電話比我都冇人接,話我部電話可能跌咗落屎阬喎~仲叫我十分鍾內係生係死都比個電話佢..搞笑..

跟住又幫磚磚復印,今次係單麵印成雙麵..我識啦..哈哈..好玩,好有滿足感覺..

不過最開心都係學識咗自動進稿..哇~眞係好先進呀..幾張紙比佢,我摁復幾多份,就每張紙復幾多份,佢好叻aaaa..

之后有條友嚟復印,一式四份喎~咁另外嗰個幫佢復呀嘛..點知佢就好似平時咁復,摁咗4..我話唔係呀~跟住就自動進稿,摁4啦..

當我摁"start"嗰陣,部復印機傻咗咁狂印,好似失咗控咁,我哋摁取消都停唔到..原來我冇取消到之前個命令,所以唔知印咗幾多份..哈~

今晚翻咗去上課..眞係唔係路..天河到天河都要撘咁耐車..頂~琴晚嗰個時候我都翻到屋企啦..天河嘅交通眞係有本事差成咁..

跟住上課好眼訓好眼訓..哎~佢成日話本書呢度錯,嗰度唔科學,咁我睇唔睇本書好呀?! Anyway,今晚我搵翻個耳機,好開心..

yeah yeah~book.咗星期一去影樓lu~好興奮呀!!我要著和服!!!!!諗緊叫唔叫埋傢姐好,叫埋佢就可以同佢交換衫嚟著,不過全傢福..er~