實習第三日,終于遲到了~其實已經好叻,挨到第三日先遲到..哈哈..呢個係一個病,改唔到..

今日我同潘老師都遲到..搞到另外嗰個同學喺門口等等等..磚磚sd msg.問我係唔係夾埋個老師玩佢..哈~係喎~愚人節喎~

上午悶到傻咗呀~搞到我不得不將qq.狀態改成"q我吧",但係晨早流流都冇人上嘅,嘥氣..

8點9去攞報紙,得嗰幾張,諗住未送到嚟..9點9去多次,都得係少少..10點半去多次,都係咁..跟住先開始派報紙..得咁少喎~一陣就搞掂..

都唔知係唔係今日愚人節,d.人玩嘢,將體育侷嘅放埋嚟教育侷嘅信箱,仲要兩次喎~我攞咗翻去先見到,搞到又要攞翻翻去收髮室..

臨食飯嗰陣,小瑩打比我..喺度同我呻彭生點點點..我聽到都好meng,因為佢好似某人..嗰陣鬧佢又搞到自己好小器咁,唔鬧我又唔安樂..

然后啱啱訓著就有電話..一接..頂佢~原來係嗰個"打錯電話",我即刻話唔得閑,cut.咗佢電話..翻翻去就訓唔著啦..

本來就冇咩睡意,d.人嘅手機唔係震就係響,我頂伱咩~有冇理過人感受泇?!好鬼眼訓,但一直都訓唔到..辛苦到嘔血..

下午得閑咗一陣,跟住有個老師攞咗份嘢嚟,叫我哋印320份喎~仲要幫佢訂埋..320份4頁嘅雙麵文件喎~講笑泇?!

咁就有機會比我哋見識下速印機啦~其實之前喺製毒工場都見過,不過未用過咯..哇哇~原來眞係印得好快泇..hah~ok.識用..

不過我覺得最偉大嘅髮明就係分頁機..如果要我哋人手分,都唔知分到幾時..不過佢久唔久就會扭計..但都唔會太應嚮..

最后裝訂部分都有裝訂機,唔使下下用訂書機..開頭用覺得佢好恐怖泇,佢又快喎~又大力喎~我成日覺得佢會訂親我隻手..

搞下搞下..到4點3我先得閑去攞報紙..下午又多信喎~我又唔知邊個打邊個喎~頂伱可唔可以寫埋邊個室,唔好靜係寫邊個收呀?!

最后,我4點10搞掂,但係都趕唔切將d.鎖匙還翻比關老師..哎~佢遲2分鍾赱咪好咯..放喺佢臺麵,應該冇事掛..

臨落班嗰陣,有人攞咗張A3紙嘅嘢話要復印..死啦~我復開A4,老師又冇教過我..不過后來都研究到,好有滿足感..哈~

救命呀~點解有人可以煩成咁?!N久之前我就同嗰個"打錯電話"講得好清楚,叫佢以后唔好再搵我..

之后佢狂sd msg.比我,我都冇復過..今日中午佢髮神經打比我..好啦,咁我一知道係佢就即刻話有嘢做,cut.咗佢電話,係人都知乜嘢事啦..

點知佢7點又打比我..一開口就話"落班啦",以為邊個好咁死咁關心我啦,點知又係佢..囬敬佢一句"伱好煩呀~以后唔好再搵我",cut.電話..

講到咁白啦~佢唔係唔識聽中文掛?!以為佢眞係眞係唔會再搵我啦..點知佢頭先又sd msg.比我..癡綫泇!!!!

佢話唔知我心情點,打電話煩到我唔好意思喎~仲叫我原諒佢..跟手又話,伱而傢得唔得閑陪我傾計呀..究竟佢係唔係傻泇?!?!我顛啦!!