今日一翻到去就去會議室焗定茶..諗住早d.搞掂就可以訓一陣..點知我先斟好水,茶都未焗,潔文就攞嘢過嚟比我復印..

焗好茶,一翻到入文印室,招生辦又有嘢要印..搞掂曬,以為可以坐低抖下..程老師攞咗幾張紙過嚟,原來之前嗰6本半嘢仲有手尾跟..

我就嚟顛啦!!我最怕就係做少少嘢都要做咁耐,之前已經做到我好煩,而傢更加煩..老師話d.文件分類有改動,仲要按順序排..

有文號就話容易遮,冇文號就要搵翻嗰份資料出嚟..不過算啦~因為程老師話,遲d. d.文件都要按順序排,再攞比資料室..做死人咩!!

今日派報紙都好快搞掂,因為我要爭取時間..但係上下午都有人嚟開會,我要每隔20分鍾入去加一次水,好鬼煩!!

落班前搞掂曬電子版嘅嘢,但係資料文件就靜係分咗類,聽日先按順序排佢啦..希望上午之前可以搞掂..

潘老師聽日上午唔喺度,以前我會好開心,但而傢我會好擔心..我怕搞唔掂文印室d.嘢,又怕我要做好多嘢..哎!!我想復習呀!!

臨走嗰陣先搞笑..財建科嗰度個老師又搞唔掂部電腦,潔文又赱嚟搵我..可惜我都唔識..唔記得點樣設lu~潘老師又啱好赱咗,唔知佢哋點..

未來一個月將會非常十分極度忙..首要任務就係HRM.嘅攷試..但係我嗰幾日又撞啱要加班..根本冇時間復習..但係,係我自己報嘅~

之后就係祕書證..頭先睇過下d.歷年攷題,大概知道佢點樣考,不過d.問題使唔使咁細咁變態呀?!4本書唔知要睇幾耐呢..

最后就係選脩..其實選脩應該係比祕書證早攷..哎~我都唔知,都冇上課..人哋話上咗課都好難pass,我冇上課點算?!

六級..眞係冇緣啦~下次啦..