今日好忙好忙咯~一翻到去就聽到話要開會,我好想當聽唔到呀~例牌動作,斟水,焗茶..唔使派資料..

翻到入文印室,好多人嚟排隊復印咯!!個個都話陣間開會要用..好鬼煩!!點解佢哋係都要臨開會先嚟印?!隔離嗰部復印機又用唔到..

搞掂曬,都已經11點啦~即刻攞文件同報紙..趕得切落班前派曬..哎~上午先整理咗少少資料,好煩呀~見到佢哋就煩!!

下午就眞係救命~本來冇嘢做,我專心整理d.資料,終于搞掂曬,好開心..跟住潘老師話要去開會,咁我就唔開心..因為我知我會好忙..

我攞完文件翻嚟之后,電話果然係響過不停..搞到我要跑去潘老師個位度幫佢哋覈對資料,跟住又赱翻我個位度分報紙..

分好曬,我都未得閑去派,程老師又叫我將d.資料移交..派唔到報紙,接唔到電話啦~今日先髮覺一邊講電話係好難一邊打字.. -.-"

第一次去地下室咯~要經過一條比較黑嘅路,蒜頭王子日日就喺嗰個地方比四個老女人圍攻泇啦..哈哈哈..覺得佢好慘,對住咁多普通人..

我眞係超級唔爽嗰度d.老女人..做嘢動作慢到死,仲要一路做一路"EE哦哦"咁,好鬼想鬧佢..仲要講普通話又講得快嗰下先死人..

同我覈對資料嗰個我簡直想kam.死佢..死話我d.資料亂,咁亂咪對第二疊先咯~係都要搵嗰疊,有病咩~?!

好啦~終于肯對我整理嗰堆先..我讀完個標題佢搵九世都未搵到喺邊..明明我就按順序排嘅,我喺隔離都睇到,指比佢睇,佢都仲要睇N耐..

咁有d.資料係上一手做,我冇文件,佢話要記低佢喎~頂佢寫字手都振曬,仲要諗幾十秒先寫一個字,係唔係執筆忘字得咁犀利呀?!

最后佢頂唔順,要去厠所,就叫蒜頭王子同我覈對..早就應該啦~我可以講廣州話,眞係流利得多,而且我哋兩個都係傚率型泇嘛!!

不過實在太多資料,對唔曬,聽日要繼續..救命呀~我唔想落去嗰個鬼地方呀..希望聽日都係蒜頭王子同我對,咁就快好多啦..

好鬼煩呀!!我到而傢都未開始復習HRM,下星期六就考..如果係星期一考就prefect.啦~因為我星期六,日可以復習,咁就有最好嘅狀態啦..

為咗嗰科咁嘅HRM,我已經推咗嘉欣同可瑜..哎~星期日超級唔想翻工,但星期日嘅中班,應該就冇人頂到啦~好煩呀..我唔要肥佬呀!!