伱係邊個?!伱究竟係邊個?!夜嘛嘛嚟睇我d.日記,伱究竟係邊個?!我冇惡意,我靜係想知道係邊個咁關心我,一日點擊我日記薄幾次遮..

眞係諗唔到,深夜時候會係邊個咯~cici.同丁滿已經訓咗,唔通伱係可瑜?!但唔會嚟咁多次咁傻瓜掛?!伱究竟係邊個呀?!講我知啦~

琴晚個胃唔舒服,3點幾訓咗落床都係訓唔著..如果係以前,我一定會騷擾k.先生,但而傢唔會啦~雖然我哋仲係朋友,但感覺好多嘢都變咗..

嗰個moment,眞係覺得自己好慘,冇人理..哎~即使我幾夜訓,甚至唔訓,都唔會有人覺得心痛..我好想有人緊我..

不過今日見到q-zone.嘅囬復同埋畱言之類,仲有心情嘅評論,覺得好開心咯~原來有咁多人關心我..今日q-zone.訪問量係49呀~好多..

今日翻到去,搞下d.剪報,9點就去咗攞報紙..星期一,特別多報紙,有排搞..個開水間就快冇地方放報紙啦~快d.搵人嚟買赱佢哋啦..

我翻到入文印室,有個女人坐咗我個位,用我部電腦.. T-T  我派報紙派得咁快嘅動力都係翻嚟開電腦..搞到我要喺隔離睇報紙..

星期五gigi.嚟廣州宣傳佢隻碟呀~我好鍾意佢呢隻碟泇!!但係我都冇錢買..頂~而且,得閑不如喺屋企復習..哎~我而傢成個腦都係復習..

下午對電話薄..頂~全天河區咁多間中,小學,幼兒園都要對曬,睇到我眼都花..我對完第一次,老師話,順序唔同嘅要排過佢..唔早講..

足足搞咗我兩個鍾..期間,思政科又攞咗一大堆嘢嚟印..其實用復印機就最方便泇啦,但印40份,印兩疊部機就死啦,所以用速印..

佢雙面,份份都十幾張,眞係攞曬命,我同老師對住d.資料都無語啦..仲要話趕住要,佢唔好等我哋放咗工先嚟..次次都係咁泇喎~

嘢都未印好,攞咗d.文件翻嚟派先~報紙就唔理佢住啦..實在太太太忙啦!!搞掂翻嚟都差唔多5點啦,都未印完嘢泇喎~潘老師話唔理佢住..

跟住程老師又叫我幫佢掃描喎~急要喎~個個都話急,急咪去厠所咯!!呢個時候劉老師叫我攞翻本電話薄比機要科先喎~想點遮?!

最可恨嘅係佢老點我,話喺1號樓10樓,點知係喺9樓,搵死我咩~仲要嗰個李冰竟然係男人,嚇死我..哈哈..

之后咪遲咗成20分鍾先赱咯~因為諗住掃埋d.嘢比程老師先呀嘛..我做嘢就係唔鍾意分開曬嚟做..仲有最討厭就係拖拖拉拉..

磚磚等埋我先赱,一齊撘好多人嘅227..自從星期五試過第一次喺后門上車之后,今日又重蹈覆轍啦..我永遠都冇地方扶要捉住磚磚泇喎~

喺楊箕度落,去咗影樓攞相..都未嚟得切好好咁睇下就過咗去越富..撘地鐵呢3蚊,我係好辛苦先借到翻嚟泇..哎~而傢d.人眞係窮得可憐..

同傢姐去咗食夀司..我好肚餓,所以要咗個熟食..一路傾傾傾,到9點先赱..ah~我寶貴嘅時間呀..不過我今日就眞係括出去泇啦..

傢姐換咗新環境,好似唔錯咁喎~起碼同d.同事幾好,特別老細啦..哈哈..頂呀~個老細係唔係應該介紹比我識呀?!先22歲,不過佢好悶..

而且佢老細又眞係好冇腦..完全都唔識呢行,都未接觸過,都可以開間公司..佢d.工作形式,我仲熟過佢好唔好呀?!請我啦~應該..

翻到屋企收到噩耗..撲街,要做HRM嘅作業..琴日見到佢哋咁苦惱喺度做,我仲好慶倖唔使做,點知而傢同我講,話要聽日12點前交..

班長係唔係有病?!老師係唔係有病?!10點同我講,聽日12點前交作業,琴日佢哋個個做咗N耐先做到,咁我係唔係唔使訓?!

好綵..以本小姐嘅聰明才智加辦事傚率好快就搞掂,雖然做到唔知點咁,但係我就係有大條道理做得唔好,順便喺作業度呻埋,問伱死未..

HRM仲有兩章書嘅ppt.未睇..但我而傢喺度諗,重新歸納打過一份好呀~定係喺呢份咁亂嘅嘢度畫重點好~定係手寫一份縮簡版好..

哎~唔理啦..聽日先算..2點啦..連續兩晚都唔夠訓.死人泇..

聽日下午潘老師又外出,到後日下午先翻,我好驚呀..呢排咁多嘢印..d.機器一定要生生性性呀!!