琴晚明明話今日唔使攷試,今朝9點冇拉拉又話下午攷試,玩嘢咩~?!仲要嗰個唔知乜鬼老師係都要我哋佈置完會場先比赱..sh1t!!

今日聽到個好耐都冇聽過嘅詞"火滾"..磚磚話"明知人哋火滾泇啦,仲要同人講嘢"..嗰個人嘅下場就係..比人鬧得好慘..唔記得係邊個lu~

最后,10點我哋都可以赱人..不過其實,咁早翻到去都冇咩用呀..早翻同遲翻都一樣..不過最好就係今日請假,咁就有得休息嘛..

翻到去,見咁早,就去食咗個久違嘅炒拉面..非常滿足..因為係覺得好飽,飽到食唔曬..我成日覺得佢會飽足我成日,唔知點解..哈哈..

跟住就翻自脩室好好復習啦..點知面氣攻心,訓咗陣..眞係一陣咋,1點就醒咗啦,繼續復習..但係復唔入腦,又好眼訓喎~不過訓唔著..

不斷咁重復..復習,好眼訓,僕低,訓唔著,復習,好眼訓........到咗我眞係有睡意嗰陣都已經差唔多3點..樓上竟然裝脩!!仲有d.人好嘈!!

嬲得滯索性出去睇..點知出到去就掛住傾計..嬲得滯我坐過隔離張凳..睇咗一陣..其實我琴日就已經可以ok.背到,所以都冇心機睇..

反而喺度tip.題..其實我好有心水泇..但又驚佢隻撲街玩嘢..伱係估佢唔到泇嘛,就好似今日嘅攷試時間咁..癡綫!!所以我選擇全部睇曬..

提前15分鍾到咗教科樓5樓,點知未開門..喺度同亞潤,楊曉瑩吹水,訴苦..鬧個老師..哈哈哈..我哋實習嘅人眞係好鬼慘,比人玩!!

一髮捲..我髮覺我全部tip.中曬d.題..哎~一開波嗰5個概唸都寫死我..我d.字又大隻喎~佢d.概唸又長喎~位置又少喎~想點遮?!

簡答題又係咁喎~佢又要人展開,好心就唔好比咁少位我啦..如果唔係我會好懶,唔展開嚟講泇,咁就得好少分!!

論述題佢話要盡量多字數,唔好留有空位喎~咁我咪寫大隻d. d.字咯~其實就未細過..點知最后唔係好夠位,寫得幾樣衰呀..

最后案例分析先係泇嘛~比咗好多地方我,我終于可以釋放我d.字啦~而且嗰陣係已經係到冇曬感覺,d.字龍飛鳳舞咁..唔知自己寫乜..

成個答捲過程我係冇時間去思攷,就係狂寫狂寫..慘過中攷考政治..考政治都係寫得嘢多,但都有得諗呀..而傢就好似一個寫字機器人咁..

前邊有條題,我唔記得咗一個項我都唔得閑去諗,臨尾3分鍾先問紫冬..髮覺同佢嘅答案唔同,原來係我自己調轉咗個項嚟寫..

哎~時間眞係緊迫到不得了!!連分析嘅時間都冇..好綵我都算背得熟,如果唔係,我眞係唔知點算..最后2分鍾先做完..隻手好似唔係我嘅咁..

誇張到我連復條sms.都打唔到字,要用左手打!!眞係考政治都冇佢咁慘..Anyway,我總算解放了!!以后都唔使背HRM,唔使見到個老師!!

之后傢姐請食飯..哈哈..又會咁啱嘅,啱攷完試就有得慶祝..我覺得今次我還考得唔錯..捲麵閤格絕對冇問題!!至于總評如何就唔知啦~

等傢姐嗰陣行咗下潮樓,買咗個卡套比佢..我之前喺網上睇啱咗,先5.5,不過冇貨..而傢15蚊,唔知點解我都買咗..我諗我傻咗!!

去咗泰地道度食..我哋永遠都係眼闊肚窄..好鬼浪費食物咯!!誠意推薦唔知乜乜蠔鐵闆乜乜粉..超級多細細粒嘅蠔!!粉嘅味道唔錯..

食咗嘢就行陣街,消化下..行行下又買咗個袋..傢姐買遮..我已經冇曬cash..哈哈..點解可以咁窮?!髮覺我同傢姐都係好容易買嘢嘅人..

翻到屋企都已經差唔多11點..睇咗少少<掌故王>..哈哈..原來忽必烈係咁嘅意思..哎呀,唔記得睇<逃學一姐>..算啦..唔追!!

本來諗住今晚做好OA嘅作業,要推到聽晚lu~聽晚做曬佢,之后就要開始睇祕書證嘅書..我要pass!!!1000頁嘅書,我要徴服伱!!!