2009.05.08 (星期五)
今日,一翻到去,都未放低d.嘢,關老師就話9點會議室有會
都估到今日會多嘢做泇啦,但預料唔到連會議室都可以成日有會遮
第一場九點,成個區教育侷嘅人都去曬開,連司機都去埋
我最怕咁多人開會,加水加到我手軟,兜個圈就冇咗兩壺水
第二場十點,就靜係幾個領導開,我喺度執翻d.盃,懶得幫佢哋斟水
第三場十點半,后勤所有人開會.我幫佢哋加水之際要去攞份急件
我理解係,應該點都加埋幾盃水先去,急都唔差在嗰兩分鍾
點知關老師叫我即刻去..呢個係我理解同眞正工作上所唔同嘅
第四場兩點半,入到會議室我靜係識得徐副侷
咁梗係第一時間斟水比佢,點知被告知徐副侷隔離嗰個係區長 =.="
我鬼知咩~下次開會唔該比個斟水順序我呀
上午嗰陣又係喎~黃侷喺度,我當然第一時間斟比佢啦,跟住問題就嚟啦
黃侷左邊嗰個係王副侷長,右邊嗰個係符書記,我應該斟比邊個先?!
因為符書記坐03室,王副侷坐04室,所以我就知道符書記大d
但最大問題係,符書記右邊嗰個徐副侷同王副侷一樣坐04室,咁應該斟邊個先?!
于是我唔理王副侷,斟比徐副侷先,然后按順序響右邊斟..哎,明知故犯!!
本書明明就話離門口最遠,面響門口嗰個最大,教育侷d.人唔鍾意咁坐泇喎~
第五場四點,好多資料要派,好多資料要復印,我比人嗌我做小朋友 =.="
第六場五點,d.領導眞係傻泇!!五點都仲開會,一直開到我赱都未開完,唔鬼理佢
今日靜係忙會議室都忙到我想死,十五到二十分鍾加一次水,基本上我就冇停過
仲要我自己辦公室要印成兩千幾份嘢,雖然有速印機,但佢次次都要手動卸版.煩!!
total.我唔記得咗我今日行咗幾多次上去區府辦,我靜係知行到人哋個科長都認得我
成個下午我由兩點到五點都冇坐過..行嚟行去,一唔係就企喺度做影后
我去上報紙嗰陣,有條快遞佬送個通行證過嚟比王副侷,佢見到我喺佢個室內度出嚟
佢就叫我幫王副侷簽收..第一句係問我有身份證未..佢傻泇?!點睇我都似已經夠18歲啦!!
要比14蚊,我未出糧,唔夠錢,結果我係冇簽收到,諗住搵潘老師搞掂,點知佢傾緊電話
我叫個快遞佬等陣,佢就死纏住我叫我簽收,佢眞係唔信我連14蚊都冇泇喎!!
之后李科見到,睇唔過眼,結果係佢幫王副侷簽收嘅
今日經歷六場會議,印咗兩千幾份文件,週圍送文件,攞文件行咗N轉,仲有派咗幾車報紙
眞係超級無敵勁爆忙,中午又訓唔著,結果翻屋企嗰陣就差d.暈咗
以上內容係喺q-zone copy落嚟,我懶得打..夜晚翻到屋企記得搞過乜..睇咗下祕書證嘅英文,難到撲街..
2009.05.09 (星期六)
本來諗住今日翻嫲嫲度嘅~琴晚三點幾訓,今日七點起咗身,髮覺都係唔捨得屋企,所以連嫲嫲生日都係冇翻去..係我不孝..
訓到9點幾,比個快遞佬嘈醒,叫我落去簽收..我唔知邊個寄嘢比我,我又冇上網買嘢..我好天真咁落去嗰陣喺度諗可能係k.先生嘅surprise..
結果,原來係一盒歐萊雅嘅染髮劑..hah~啱好想染髮..不過硃古力色會唔會太淺?!而且我個頭又唔上色..不過算,免費嘅..
成日喺屋企就係對住部電腦..我睇見d.英文好想死,好多唔識..癡綫!!其實唔難,係我自己成日唔記得單詞,好鬼冇記性..
屋企冇人,早餐同中午飯閤二為一..晚飯係炒飯,不過我唔記得放鹽,搞到冇味.. =.=" 對唔住,對于烹飪,我眞係冇曬辦法!!
夜晚睇電視..妖~嗰個大咕窿都唔好睇嘅..william.主持得....佢都係比較適閤主持兒童節目..唔係,佢都係比較適閤跳舞..眞係無聊到爆!!
到咗12點幾,肚餓..諗住復習啦..點知有d.暈..怕咗..即刻赱咗上床,但係又訓唔著..然后手震..眞係自己都驚..呢排好唔餓得喎~!!
2點左右yoca.買咗宵夜上嚟..其實應該好感動好warm,但我冇..可能係佢d.態度太差..一個少爺,一個小姐,註定火星撞地毬..
食咗嘢就更加唔眼訓,繼續復習..yoca.霸鬼咗我張床..我入下我間房佢都鬼咁大意見..到底間房係唔係我泇?!結果,四點幾落床訓覺..
然后七點未夠yoca.醒咗,嘈醒埋我..體諒下我喺佢髮緊夢嗰陣我仲奮鬥緊呀'唔該!!佢靜係諗住叫我開門,點知等我刷完牙,洗完面先講..
結果,搞到我而傢訓唔著,又有少少肚餓..早知叫佢買埋早餐比我食先赱..
|
