癡綫!!琴晚三點幾先訓..我有病..日日咁挨法,眞係唔得自己死..不過夜晚又眞係唔眼訓,而且我又唔會覺得好辛苦..我成精啦..

今日果然係冇乜嘢做..就係成教辦攞咗好多嘢嚟印,復印遮,工會嗰個搞掂,我就去做我琴日應該做嘅嘢..

成個上午就係咁,無無聊聊..臨去食飯就裝訂咗下魏科嘅嘢..好多下,未搞掂,唔理,醫肚要緊..但係我一食嘢個嘴就痛..救命!!

下午犀利咯~差唔多叫曬所有實習生一齊去改d.資料..因為印錯咗,但已經印成書啦,而且聽日就要,所以唯有癡住d.錯處..

但係冇叫到我去..搞掂我自己嘅嘢就喺度玩電腦..之后寫咗實習鑑定比陳主任簽名..我係參炤邱主蓆寫嘅咁去寫..

話自己"錶現優秀,工作積極主動,態度良好"..陳科長話可以再寫好d..叫我加多句"獲得全辦公室人員一緻好評"..搞到我好唔好意思..

臨落班嗰陣喺度上q,諗住等落班,超級無聊..其實其他人要加班,我仲喺度諗.陣間赱唔赱好呢~?!點知臨赱比人叫我去幫手..

但係都覺得幾開心,幾好玩..因為大傢有講有笑..而且又係好簡單嘅嘢..個個好快咁機械式咁完成..好似製毒工場咁..哈..

好鍾意呢種感覺..好耐未試過啦..哎~諗起地王..學嘉欣話齋..嗰個都係"曾經的曾經"..人要學會成長,記住最好嘅嘢就ok..

夜晚翻到屋企上q..頂~27開嗰個群,我成為咗攻擊目標..點解會咁泇?!我去到邊都咁嘅..我好蝦D泇?!一個二個都係衰人..

點解會咁嘅呢?!眞係晴天霹靂咯!!我眞係寧願我唔知咯!!而傢咁樣,好奇怪..我覺得伱連嘢都唔想同我講..我知..因為我都覺得好尷尬..

本來諗住今晚早D訓..好!訓覺!!哎..喉嚨又乾又痛..我覺得我準備爆髮泇啦..都好,考完證好好病一場..