哎..而傢一訓就訓到十二點..今日都好唔想起身,不過冇辦法,要攞嘢比家姐..眞係好熱好熱..d.汗好誇張..救命..呢個夏天點過?!

去到西華路搵家姐,然後一齊搭133翻天河啦..佢一路行一路同我講willson d.變態嘢,點知搭搭下車就眞係見到willson..眞係日頭唔好講人!!

之後翻到去學校就去圖書館諗住借<暮光之城>啦..點知本部呢套比人借咗!!北區有兩套!!東區都有一套!!點解就係呢度呢套比人借赱咗?!

諗住叫其他學校嘅人幫手借..不過我知道呢套書好搶手..其實猶豫緊睇唔睇書好,因爲我怕睇完對電影會冇咁期待..但係我又好想睇喎!!

六點左右就去淑玲宿舍度借資料複印..然後去食嘢..見到廖倩敏..哈哈哈..join.咗佢同佢d.同學一齊食..其實覺得怪怪哋..不過佢哋都幾好傾..

7點上嗰個爛鬼唔知咩咩課..成堂課都喺度上q..最搞笑,老師話有個職位要招人..要求係身高160cm..氣質好..舉止優雅.......問我哋面試之前應該做乜嘢準備..

我即刻話.增高兼整容..老師提問春杏..春杏講咗一堆嘢之後就話..不過我肯定不行啦,我都不够高..跟住全班都話,咁伱應該首先去增高呀..

跟住有一個職位係IT公司嘅經理..哇..d.問題好難答,因爲係涉及到IT嘅..然後搵咗盧家偉上去答..雖然我冇咩點聽佢講,但感覺佢答得唔錯..即刻覺得佢識發光!!

翻到屋企上q..黃嘉偉好緊張咁問我暑期工嘅問題..講咗一大論,原來佢仲好亂..乜我表達能力好差咩?!佢話今個星期翻嚟就去遞表之類,可能會叫我陪佢..不過我都冇時間..

我知道,我好犯賤..其實我唔需要為佢做咁多嘢..不過其實如果佢係我一個比較好嘅朋友,我都會幫佢嘅..反正,其實我又冇舌..幫佢問多幾句遮..其實我都有少少期待同佢一齊做嘢..

琴晚我叫佢放我喺佢好友嗰度第二..佢話前邊幾個都係比較F嘅,所以唔可以..跟住唔記得點,我冇鬼理佢..佢竟然話我任性!!係呀,本小姐就係咁任性!!又野蠻!!

aaa..max.同我講,下個月佢喺星光大道有表演,問我去唔去睇..佢話係上次比賽嘅人都會去..我問佢小暉去唔去,佢話唔去..然後我好失望..max.話我而傢鍾意小暉多過佢..

跟住用咗少少時間搞過max.嘅blog..即刻靚曬!!希望max.會鍾意啦..咁小暉的確係靚仔呀嘛..而且好難見泇嘛!!!