我好後悔今日翻去上會議管理咯!!因爲唔係最後一堂,佢話下星期要繼續上!!頂!!點解我要聽黃嘉偉講,乜嘢好頭好尾..唔謊唔好,要我咁早起身!!嘥我時間!!

佢仲要話提前交論文,癡綫!!靜係考佢嗰科好唔好呀?!跟住我哋嗰個都話唔好,佢就話,咁少數服從多數..唔知係唔係個天唔鍾意佢,次次上親佢嘅課都落大雨..

中午就狂上q..差唔多成日都同黃嘉偉keep.住聯絡..ah~我唔要咁..睇咗下辦公室自動化,冇心機睇,因爲基本上除咗大題我都ok..覺得唔需要背,跟住訓覺..

三點起身hi-tea..哈..跟住買咗份報紙,要嚟換7.4黑girl.嘅門飛..雖然我鍾意佢哋,不過有得睇就去睇下啦..反正唔使錢,又有位坐..好耐未追過星啦..

然後考試..去到寫咗兩題問答落張台度,點知..點知老師叫我坐過隔離!!sh1t!!琴日都係咁坐..好綵本小姐有兩手準備..寫定喺紙巾度..哈哈哈..不過我都冇抄曬..

其實老師監考一d.都唔嚴,比曬機會我哋作弊,但係全部我都背得到咯..回答問題有一題懶得答..仲有30閱讀我就眞係冇心機睇,填六閤綵算..10分填空,隨便填,應該合格嘅..

翻屋企好煩咯!!落雨..哇~濕到呀..我feel.到d.水喺對鞋度咯!!等車又等咗好耐..又塞車..哎..訓覺算了..好鬼煩!!點解我要住咁遠?!好嘥時間咯!!

夜晚就上q.冇心機復習..不過貌似個個都好認真..我唔知自己做過乜..睇電視,咁就一晚..諗住聽日早d.起身再復習..同埋襯衫,期待聽晚..哈哈哈

好煩..家姐嗰度而傢先話冇文職喎~我唔想做電話銷售呀!!但我又問咗咁多次,幾時面試之類..唔去唔好意思..而傢想做移動嗰個..因爲成功率高,或者做移動客服..到時再算..

今晚黃嘉偉鬧我咯..其實係話..話我靜係掛住玩,唔知柴米貴喎~頂..本小姐做嘢嗰陣佢喺邊呀?!不過我都好開心..XD 佢仲叫我認真復習,唔好唔合格,復完就早d.訓..

哈哈..死啦,我發姣..可能呢幾日都有同佢keep.住聯絡..而且佢態度眞係好咗好多,髮脾氣,態度差嗰個反而係我..如果暑假可以同佢一齊做嘢就好啦..如果家姐度有文職咪好咯!!

同大叔都幾好傾..哎~諗下都覺得佢好慘,女朋友死咗..做戲咩~不過佢都算樂觀,而且同佢都ok.啱key..哈..原來警校都有唔悶嘅人..