啦啦啦..今日心情勁爆好咯..雖然好忙好攰..有d.一團糟嘅感覺..哈..到底我講緊乜?!

本來琴晚就好開心泇啦嘛..今日見到黃嘉偉竟然嚟過我blog,仲要睇過我d.嘢..眞係好開心咯..不過佢話唔鍾意我成日無病呻吟..頂~嗰篇嘢我係因爲邊個而寫呀?!都係佢!!

哎~其實我覺得我今日做咗一個錯誤嘅决定..我借咗我個身份證比家姐開信用卡..哎..救命呀!!但我眞係唔識拒絕佢咯!!算啦..應該冇事嘅..

10點起身..冇復習..上網唔知搞過乜..然後12點多d.就出門口..先去環市西路攞4號睇黑girl.張飛..等咗好耐好耐先有545..嗰度又難搵喎~仲要間嘢竟然係咁黑咁殘..

之後拿拿林搭車翻學校考試..好綵冇遲到..翻到去仲早咗5分鐘..但係我搭車冇位坐,冇得復習咯!!臨時睇咗少少..哎..算啦..反正我都ok.識..

一髮卷就狂做狂做,因爲怕唔記得..都唔難..唔使半個鐘就做曬..坐咗陣,都冇交卷,咁我交先咯..平時我都會等人交先嘅,但我今日趕時間..

跟住去咗龍口西搵家姐..等咗我差唔多半個鐘,sh1t!!如果唔係我今日就可以好早翻到屋企..佢又問我幾時去佢公司,我..唔知呀..唔想去............

喺崗頂翻屋企又麻煩喎~冇車直達..而且嗰陣都4點半..我唯有去石牌橋度搭545..行鬼死我..喺報紙攤見到張紙寫住.美國巨星mj.心臟病發離世.詳情見<羊城晚報>..好誇張!!

其實今日d.人d.簽名改曬我都覺得好犀利泇啦,估唔到報紙攤都......仲有呀~我聽見d.亞嬸都有討論呀..眞係好犀利..美國嗰邊簡直轟動..其實~我都覺得有d.可惜..

八點半啦..沖涼,準備出去..死啦..cici.條裙咁sexy.媽咪見到肯定乜嘢泇喎~點出去呢..迷迷迷..聽日打麻雀,yeah~!! ah~van.眞係同嗰個淑婷發展緊..佢都係天蝎座..哈..