今日訓到十點幾..本來諗住復習..但又冇心機..其實都預咗,所以先早d.起身..如果訓得太晏,就眞係連少少復習時間都冇..哎~琴晚三點幾訓,成晚都半睡半醒咁..眞係攞命..

搭車翻去考試嗰陣,有兩個師嬭喺電視塔上咗車..有一個超級黑人憎咯!!由佢上車講到我落車..講嘢又大聲,咁都算..佢把口眞係好黑人憎..眞係勁想鬧佢!!

一上車就話部車冷氣唔夠,其實係佢自己熱之嘛..我唔覺得有問題喎~跟住又話d.車隔好耐先嚟,又多人,行到鬼咁攰諗住搵個位坐都冇..我心諗,嫌多人伱可以等下部甚至打的泇..

跟住又話坐後面d.人全部喺度訓覺,搭好鬼遠..咁肯定泇啦..佢部車綫路整得咁長,就自然有人會搭咁遠..加上伱估個個都好想搭咁遠泇?!唔使時間泇?!講嘢都唔經大腦..

電視播hins. mv,又話好憎hins.呀..話佢個樣又唔係醒目,又用d.陰遮住對眼,唔知似乜..最撲街就係佢嗰句,對眼好似見鬼咁..又話hins.前排哮喘病發差d.死..佢就死啦!!

又話sally同朱玲玲好fd,所以準備離婚~話朱玲玲而傢個老公之前有四個仔女,又話同霍震霆分局嗰陣已經做緊人哋第三者..我心諗,伱唔抵得人哋嫁兩次都咁好呀?!

佢講咗咁多句說話,唯一啱聽嘅一句就係..而傢d.歌星我靜係覺得容祖兒好d..其他嗰d.眞係恨不得聽一句駁一句呀!!邊有人把口咁臭泇..都唔知佢d.親戚朋友點忍佢泇..

商務談判係考咁多科題量最多嘅一科..不過我都係半個鍾就搞掂咗..哎!!肯定合格..雖然有d.集題佢冇比我哋,仲有幾題我冇具體背..不過我老吹,加上其他,都絕對合格..

然後拿拿林去攞公仔..哎~救命呀~而傢搭車,搭地鐵都咁多人..嗰陣先係四點左右咋..以後點出街呀?!仲要我而傢眞係超驚人哋會偷手機,搶手機..手機太靚唔係好事..

翻到屋企凳都未坐暖..有個裝寬帶嘅人上咗嚟..原來係老豆報咗..700蚊包年..哎..裝就裝啦..而傢AD咁貴,我都好肉赤..下個月先用..希望佢唔好太慢啦~

本來諗住今晚寫埋調查報告,聽日早d.去阿婆度..但我而傢好眼訓..唯有聽日唔去阿婆度啦..聽日去睇範範同hey girl..半年後又繼續追星..XD