鬧鐘10點半響,但我都係訓到十二點先捨得起身..仲要好似唔夠訓咁..不過我要起身做調查報告呀!!
係就係起咗身,點知我都係玩電腦..整咗調查報告嗰幾條問題嘅圖之後就乜都做唔到..跟住就換衫準備出門口..
3點半去到紀念堂..諗住早d.去換個前d.嘅位,點知我哋去到已經好多好多人喺度啦!!頂~張嘢寫五點半開始入場泇,點解d.人早得咁誇張?!
跟住我同曹穎翻咗27M記坐..好懷念高中坐M記嘅日子..記得嗰陣一定會見到肥輝,黑鬼ben,曾廣超,亞sam..仲記得嗰個比亞sam.吹壞嘅幹手機..
食咗我大拿拿23大元..好飽好飽..藷條永遠都咁好食,其他就一般啦..哎~不過而傢出去食嘢都係比人厄錢泇啦..算了..
6點就出發去紀念堂,因爲換票嗰陣嗰個人同我哋講,六點到七點係入場時間..經過27門口見到間西餅屋嘅招牌好得意,正當我影相之際,竟然突然間落大雨!!
避咗陣雨,去到都未夠六點半..我哋個位唔算後,不過比較偏,以我哋嘅性格就絕對唔會咁聽話,所以就周圍搵位..但係好多前嘅都係單丁嘅,所以就搵咗兩個正中d.嘅,不過後少少..
開場之後..成日有d.工作人員企喺我哋面前,仲要叫佢哋,佢哋係聽唔到泇喎~好鬼煩咯!!眞係鬧到我喉嚨都痛..眞係勁撲街!!每分鐘都會有人行過嚟企,叫唔掂!!
跟住有個做後勤嘅人坐喺我隔離..二十六,七歲掛..講唔正嘅廣州話..跟住成鬼日撩我..好煩咯!!根本就冇心情理佢..不過當時我心情又唔係差嘅~
今晚其實係d.學校嘅舞蹈隊比賽..佢哋幾個做評判,第一隊係私立華聯嘅c+m..我一聽到私立華聯就好激動咯!!因爲我記得某個晚會佢哋有代表嚟做嘉賓,好型咯!!
我隔離條後勤佬即刻搭訕問我係唔係私立華聯,我話係隔離嗰間..佢就話喺農工商識好多人,可以左右任何一個人嘅畢業..哎~我全程同佢講嘢都冇望佢咯!!佢好煩..
見到hey girl.佢哋..今晚有鬼鬼,mei mei,筱婕,丫頭,小薰,仲有範範..hey girl.係得鬼鬼眞人靚過上鏡,其他都好普通,特別係mei mei..範範就眞人上鏡都咁得!!
頭三隊表演完,就要宣布一隊晋級,一隊待定,一隊淘汰..晋級嘅係北師大,叫鬼鬼宣布待定嘅隊伍,但佢竟然唔知待定係乜嘢意思,講咗淘汰嗰隊!!好綵c+m.係待定!!
除咗c+m.同next track.係街舞隊伍,其他都好悶好撈,好似d.乜嘢健美操,啦啦隊咁..眞係睇到想死!!睇到我想訓覺..所以我就喺度玩手機..
期間黃嘉偉打電話比我..開心..哈哈..佢問我聽日點..傾咗一陣咯..哈哈哈..原來我花癡病發作..哎~我又踩翻落去..明知佢有女朋友都..但眞係.....控制唔到!!
之後有d.互動,hey girl.同範範上咗台..我同曹穎都行咗去前邊睇..佢影相咯,我齋睇算..其實都冇咩感覺唔興奮,唔激動..激動嘅時候竟然係宣布比賽結果..
哎..講到好亂..其實比賽就一共有9 team.人..每3 team.表演完,就要喺裏面揀1 team.晋級,1 team.待定,1 team.淘汰..咁最後就有3 team.再次pk,選多1 team.晋級..
好綵c+m.成功晋級咋..眞係好驚佢哋唔得呀..睇好佢哋泇嘛!!之前去我哋學校表演嗰兩個眞係好得,器械舞..如果佢哋唔得就眞係好黑幕咯!!因爲北師大同北理工都好撈,都可以晋級!!
最後最後..第四係北師大,第三係唔知邊間..第二係c+m..第一係next track..next track.嘅街舞眞係好得,而且佢哋有個反串好有創意..超級搞笑..哈..
最後10點幾散場,翻到屋企,搞咗下d.相就打電話比黃嘉偉,同佢講聽日臨時改咗時間..唔覺唔覺就傾咗半個鐘..哈~發覺佢搞笑咗..點解會咁嘅?!ah~救命!!!!
寫調查報告,寫到夜晚三點幾先訓..不過都好,終于搞掂咯..萬歲..仲有爛鬼會議管理未考,同篇論文,咁就輕鬆曬..
|
