攞命..琴晚成晚訓唔到..半睡半醒狀態..一直到六點幾先訓到..跟住八點幾又嚟..好辛苦..點解會咁泇?!我好鬼眼訓呀!!比我訓啦'唔該曬!!

之後鬧鐘響就起身..唔知點解會慢慢hea..因爲我覺得有好多時間..點知到我梳頭嗰陣,望一望電腦個鐘,先醒起我改咗時間!!遲大到啦!!!!!!!

因爲我遲咗出門口同埋塞車嘅關係..結果我係遲咗四十五分鐘..我哋本來約喺好又多度等,但佢唔識去,我到嗰陣佢喺天娛,所以我喺建行門口等佢..結果我就話佢遲到..

好綵都趕到喺12點前上到去公司..一入去就見到肥Ben,mable,同weekend..mable.第一句就問,伱男朋友呀?!我即刻話唔係..好蠢呀!!應該等佢答!!不過佢肯定唔出聲..

時間差唔多就落去training room..終于見到傳說中嘅亞姐..同我想像中好唔同..雖然其實我冇想像過佢..等齊人就開始培訓..哇~我發覺舊人基本上我都識..我好犀利..

aaa..亞姐竟然話黃嘉偉似亞why~不過話佢靚仔過亞why.好多,話唔敢望佢..哈哈哈..唔知點解嗰陣我好開心..雖然唔係好記得亞why.個樣,但印象中都幾靚仔..不過佢食煙!!

跟住嗰個trainer.要佢哋自我介紹..第一個就係黃嘉偉..佢話自己鍾意打波..個trainer.就話,籃球呀?!我好細聲咁講.羽毛波..硬係覺得個trainer.成日都要黃嘉偉講嘢.. =.="

坐咗陣,亞姐上樓上,我就順手上去攞翻兩個喇叭..跟住赱人..我冇理由陪佢哋聽咁耐泇..我又唔係做..其實我都聽咗差唔多兩個鐘,好鬼傻咯!!

翻到屋企有人嚟裝上網..搞掂就出去cut.咗個AD..哎~其實取消嗰陣我唔捨得泇..話曬都用咗咁多年..但係算啦..e.家寬嘅錢都交埋啦,冇得翻轉頭..嗚嗚~五年感情..

我覺得兩個上網嘅速度都差唔多..可能我唔打機又冇down.嘢..算啦,其實我要求唔係好高..可以on-line.睇嘢就可以啦..

哈哈哈..好開心呀..我六點左右髮短信比黃嘉偉,問佢train.完未..佢打電話比我..唔知點解,就係好開心咯..講咗好多嘢..佢同我解釋,墨同痣嘅分別,但我覺得佢調轉咗..

之後同max.講我可能25號去..其實咁快講係唔係唔係咁好?!因爲我都未必去..但佢好開心呀..叫我贏多d.相同拍短片..佢仲話好鍾意佢163而傢個樣添呀..好開心..

鐘c.莉聽日搵我去面試..希望得啦..yeah yeah yeah~我要做嘢!!我要搵錢!!