呵~居然咁多日冇寫日記..眞係難得..因爲實在..唔知點講..

2009.07.06 星期一

今日10點幾比家姐條短信嘈醒..原來琴日黃嘉偉攞咗佢本notebook,佢有d.客嘅資料喺入麵,要跟翻..搞到我要攞翻本嘢比佢咯..眞係頭都痛!!

之後打比黃嘉偉,點知關機..打佢屋企電話..一接電話我就話..喂~好起身啦..跟住佢O咗嘴..我話,知唔知我係邊個呀?!..佢竟然問我搵邊個..我就意識到,我搞錯對象!!

眞係超級淤..好綵佢忽略咗..佢都未起身..完全狀態外咁..我就最憎同d,咁嘅人講嘢..所以唔小心髮咗小小脾氣..叫佢起身先打比我..佢又話唔知訓到幾時..

擾攘咗一輪,我都唔知得出乜嘢結果..跟住我就出咗門口,同鐘c.莉去面試..眞係突然..明明話星期五去,琴晚同我講今日去..不過就去下咯..得唔得都冇所謂..

我又遲到!!我都唔想..冇238,我就隨便上咗部215,諗住轉4號..點知部車開得好慢又塞車..所以决定轉地鐵..部車就好慢好慢..搭到我恰曬眼訓.

呢個時候,黃嘉偉打比我..陪咗我二十分鐘左右啦..解下悶..佢就好啦,嗰陣先啱起身..佢竟然識講笑..講眞,呢兩日同佢傾電話好開心..所以我就,成日笑..哈..

我就遲到咗28分鐘..眞係覺得唔多好意思..但冇辦法,我已經轉地鐵..部車開得太慢啦..仲要交通崗前面壞咗部車,塞死曬..

之後去到交表,點知發覺中國移動嗰個就得翻外派南沙嘅,咁遠,邊個去做..之後就申請咗個雅芳普通話cs..得8蚊一個鐘咋..仲要普通話..不過得先算啦..

竟然喺嗰度見到華女..眞係邪..點解佢哋放假都唔翻屋企要喺度搵嘢做?!好煩呀!!我又會諗起某兩個女人,眞係超級煩煩煩!!!

面試過程..覺得自己一般啦..普通話唔得,自我介紹唔知講咗d.乜..太耐未面過試啦..不過學校趣事我覺得嗰part.都ok..哈..隨緣啦..i dont care..

之後拿拿林去越富搵黃嘉偉..佢喺屋企過去應該唔使好耐泇遮,但我就用咗40分鐘..仲要已經係搭地鐵..救命..搭車好過..嘥我兩蚊..

去到車站,唔見佢..入咗屈臣,睇下d.化妝棉先..打電話比佢,冇人接..以爲佢行緊之類feel.唔到振啦..之後再出去望多次,都唔見人,打電話都搵唔到佢..好meng.咯!!

行咗幾次屈臣,睇曬化妝棉同護髮素,再出多一次去,見到佢挨喺車站度..點解佢眞係可以咁pie.?!第一句就話,伱又遲到呀?!..嗰下我眞係好火..

我態度好差咁話,伱睇下我打咗幾多次電話比伱..佢好無所謂咁摸一摸褲袋,話冇帶電話..哇~咩態度?!我就眞係嬲到即刻令轉身赱人..

佢叫住我,比翻家姐本notebook.我..我望都冇望佢就行咗入屈臣買嘢..靠!!佢居然當冇事赱咗..咩男人呀?!買完嘢就放低本嘢喺家姐樓下間士多度,諗住翻屋企..

點知就等唔到車..好煩,唔想講..總之要個樣冇個樣..搞到翻到屋企都成六點..sh1t!!!眞係超級無敵唔好嘅一日..黃嘉偉由始至終都冇搵過我!!太過分!!!

夜晚同k.先生講,佢話我哋大家都有唔啱..我知道..其實我比較唔啱,因爲我髮脾氣,但我覺得我髮脾氣係正常..佢唔搵我係佢唔夠gentle..k.先生叫我搵翻佢..絕對冇可能!!

跟住就寫論文..因爲朝早亞鴨同我講,原來係8號就考試,提前咗呀..救命..冇咩心機寫,眞係心情好差..琴晚都仲有黃嘉偉久唔久搵我寫完未,但今晚................

最後到四點,老豆知道我未訓..哎~算啦,長命功夫長命做,我就訓咗覺啦..其實未眼訓,但費事到時亞媽起身都簡答我未訓就死得,激死佢..

--------------------------------------------------------------------------------------------------------------------------------------------------------------------------------------------------------------------------------

2009.07.07 星期二

一早就比mini.個電話嘈醒..佢想叫我今日陪佢剪髮..咪搞,我琴晚冇洗頭,而且我諗住喺屋企寫論文同復習..發覺呢排唔知點解mini.成日搵我,成日想Date.我..

好冇心機呀..玩下,上下blog,上下q..結果到四點幾先搞掂篇論文..其實就係睇曬d.材料,然後copy.部分過去..搞埋個封面,叫濤濤幫我打印..整咗28頁,個個都係十幾頁..

諗住復習啦,點知又係睇唔落書..就早d.沖涼食飯..玩咗眞連連看發泄下..bad mood!!!又上下q.咁..同van.傾咗好耐,傾咗好多嘢..結果冇睇到書..

哈..van.話年底就會著手搞個牌子,我都好興奮..佢話到時會強勢複出,叫我幫下佢..我最叻做係做d.咁嘅嘢,我覺得..之後又話過曬d.污點比佢,等佢唔合格算啦..我要合格!!

有個bad news.咯~cici.話暑假要喺湛江實習,翻唔到嚟啦..去唔到香港啦..其實都松咗口氣,因爲去香港洗費大..不過我前兩晚先同max.講我去,而傢佢應該會失望吧..

好綵我即刻又有另外一個plan.就係去海南島啦!!因爲喺湛江去好平,而且我就係想搭船去..滿足曬啦..至于飛機嘛~下年先坐lu~

-----------------------------------------------------------------------------------------------------------------------------------------------------------------------------------------------------------------------------

2009.07.08 星期三

結果我琴日係三點先訓覺咯..仲未睇曬d.書..諗住今朝六點九起身睇,但太眼訓,七點一先起身睇咯..琴晚同今朝叫做勉强睇過一次本書..之後翻學校..

搭車嗰陣又睇咗一陣..哈哈哈..坐我隔離嗰個男幾靚仔,仲要著西裝咯!!正..用N81呀~~不過我而傢鍾意N85!!快d.跌到2000啦,我就帶伱翻屋企!!

翻到學校,我想死咯!!原來係5,6節先考試..我就記咗3,4節..早咗咁多..癡綫!!跟住去咗圖書館訓覺,復習..咁樣挨過四個鐘..套<暮光之城>今日比人借赱咗!!

哎~訓覺嗰陣手機成日震震震..唔係短信就電話,放過我啦!!眞係冇覺好訓!!復習都冇乜點睇..睇過一次咁啦,有d.印象,但其實都冇用..個老師咁變態..

中午冇食嘢,喺圖書館訓覺..到咗下午去考場嗰陣竟然見到個老師,嗰陣有種打暈佢嘅衝動,唔知點解..哎~算啦,大家都預咗要補考..

第一題選擇題就唔識啦..董事局成員一般由幾多人組成喎~佢有教過咩?!亂咁嚟咯'唯有..又問搭車d.尊座問題..我就成日都唔記得..救命!!

選擇題先得20分,後面嘅就唔係比人做嘅..要人草擬合同,癡綫~佢有鬼教過呀?!我哋對合同都冇咩印象!!好綵我自己就簽過幾份,亂寫咯..

跟住又要寫會議簡報..會議議程,會議記錄,會議紀要我都識寫,唯獨會議簡報佢冇教過都冇sample!!最後20分又要我哋籌備一個會議喎~我唔係好知佢想點,都係亂吹..

有條簡答又係..會議紀要嘅印發程序喎~好綵我有睇過書有少少印象!!眞係比佢玩死!!仲有如果要與會人員自付費用,應該注意乜嘢喎~哎!!癡綫泇!!佢根本就冇講過!!

考完之後個個都話等補考..講眞,我覺得應該唔使喎~我平時成績應該有40..雖然考試我考得好衰,但應該都有50x0.3=15分..論文應該有5分..咁咪合格咯!!希望係咁!!

之後去咗其他宿舍坐咗陣就赱啦..其實我想同佢哋閤炤,不過個個都好忙或者好煩咁,算啦..本來mini.叫我等埋佢,點知我赱佢都未翻嚟,就懶得等..

唔知點解佢呢排眞係勁想Date.我..于是暫定聽晚..死啦..其實同佢眞係唔係話好好傾咁..而且成日講男人喎~我而傢就唔多想講黃嘉偉咯!!太衰啦佢!!

本來想搵嘉欣嘅,點知佢又有date.喎..好耐未見過佢啦..上個月都冇下午茶..好掛住佢同可瑜,得閑要date.下先得..

星期五有個主題party..黑超+熒光主題..我諗出嚟泇..不過我都唔去..冇錢呀..55~其實我想去泇..喜喜~但算啦..到時又唔知去邊度訓好..費事成日唔癡泇,媽咪意見大..