2009.07.09 星期四

今日就比較忙咯..三個date..哈哈哈..老k.話我好date.得..

首先同亞鴨,亞潤,磚磚去唱k..譆哈四人組,事隔唔記得幾耐之後又再一次有活動..其實係亞鴨生日嘅前奏..不過佢生日正日就應該唔使我哋陪啦..哈哈哈..

我哋等咗好耐好耐,都唔收錢喎~又冇水飲,口渴到我哋乜嘢咁..之後佢竟然話唔夠水壺!!我就,咁伱哋唔夠水壺係我哋問題呀?!跟住佢叫我哋買嘢飲喎~話而傢特價都唔貴..

都唔係呢個問題!!而係我哋嘅權益被破壞咯!!佢話,咁一杯杯攞比伱哋咯..磚磚超抵死咁話,好呀,我哋唔怕麻煩嘅~最後佢攞咗個茶壺過嚟,話係冒險攞出嚟,叫我哋唔好比經理見到..

其實成日唱k.眞係唱到唔知唱乜..歌又少,我想唱嘅都冇..我仲要喉嚨痛,第一次覺得唱k d.時間過得慢..仲要呢排聽英文歌多咁先攞命..哈..眞係好似英文歌好聽d..

之後就同鄧卓怡買衫..聽晚有個熒光黑超p.呀嘛,佢冇熒光嘅衫喎~我都話我可以外借佢就係都要去買..

哇~好耐未行過街,見到好多衫都好鍾意,好想買買買..最想買背心!!但我冇身材著,太鬱悶!!背心,熱褲..太正!!頂~點解我咁肥泇!!

aaa..鄧卓怡買咗我都好鍾意嘅嗰條裙,不過算啦..鬼叫人哋有錢又有身材咩!!我就眞係唔應該同人哋爭咯!!等cici,翻嚟我眞係要好好shopping for the trip!!!!

最後就join.廖倩敏咯..但只死嘢嘅動作就眞係唔係一般嘅慢咯..我同鄧卓怡買完衫,之後去m.記同kfc.各食咗個新地,仲要傾咗一輪,佢先啱放工!!

跟住鄧卓怡赱咗,我就無無聊聊咁行翻去96附近..我竟然唔認得96舊址咯!!而傢變咗三中運動場,距離三中門口好近,我覺得就唔似係96條路,但又眞係喎!!

其實係三中個門口移咗,搞到我唔認得!!三中好大好大呀..同以前眞係冇得比..呢排出咗高考成績,仲整曬d.威水史出嚟..又好似眞係好巴閉咁..

翻到小新街,好多地方都變咗,但係嗰條好隱蔽嘅巷仲喺度..哈..記得以前夜晚我哋成日周街赱..而傢行翻嗰d.路就好似歷險咁咯!!

經過亞彪屋企門口,但係冇見到任何人..經過個公園仔,已經冇咩人放狗啦,記得之前派狗糧嗰陣,嗰度好多狗..行行下仲見到亞彪個亞叔..初時以爲係佢老豆,嚇死我..

終于等到廖小姐到來咯!!嗰陣都成九點啦..買咗兩條短褲之後即刻飛奔去東急嘅薩莉雅..眞係唔一般嘅平,所以我哋都冇點睇價錢係度狂點..其實我都覺得點得多咗少少..

pizza.好食呀!!物超所值!!眞係正!!不過意粉就一般啦..太乾..雪糕都好正!!藷角就冇咩意見..麵包就比佢厄咗,如果係法式麵包就正啦!!我哋一邊食一邊影..哈~超夾!!

兩條姣婆就眞係唔係一般嘅食得同影得咯~不過就影嚟影去都唔滿意..我自拍功力退步咗啦..太耐冇用w910i.自拍..之後都食剩三分一,眞係投曬降!!

最後埋單先係50咋!!一人25,好抵咯!!下次食pizza.同扒同雪糕!!眞係要去多d.先得..不過其實朝早我就唔係太敢去東急,太恐怖..

夜晚翻到屋企都差唔多十二點..比較忙..都唔得閑正d.相..但又唔知自己忙咗d.乜..

記得同ta.傾咗d.嘢咯~好羡慕呀!!雙魚座!!我都要搵翻個雙魚座!!

之後發覺黃嘉偉嚟過我blog..aaa..眞係好surprise..佢靜係睇咗"我冇嬲"嗰篇咯..但就乜嘢都冇講..最後,我都係忍唔住喺佢度留言..對唔住,我係衰女..

------------------------------------------------------------------------------------------------------------------------------------------------------------------------------------------------------------------------------------------

2009.07.10 星期五

今日訓到十二點幾,好唔想起身泇..但係費事媽咪話啦,終于都係挨住眼訓咁起身..

成日好似冇做過乜嘢..之後見媽咪冇得玩咁慘,就讓部電腦比佢玩,我繼續訓..太好啦..哈哈哈..點知跟住佢話我褒咗燙比我又唔飲,嘈咗兩句..哎~費事駁佢..

差唔多5點,睇翻琴晚嗰集<烈火雄心3>..點解呢出嘢咁鍾意插敍?!睇到我暈暈哋..但鄭嘉穎眞係好正咯~哈哈哈..不過bosco.都唔錯..一個細路,一個成熟..

之後同媽咪落街攞個袋去換鏈..我就眞係好怕行市場附近條路..人又多車又多路又窄..仲要成日有車摁喇叭喎~行到我心驚膽跳咁..哈..大熱天時眞係好煩躁!!

仲要最後都係要等到聽日先有得攞喎~眞係乜嘢工作效率呀!!出一出去都成身汗,唔係講笑..夏天點過呀?!

超級開心咯!!我祕書證pass.咗!!最低分竟然係知識喎~我認爲最簡單..不過點都好,過咗就ok..哈~考試同考證都pass.曬..開心開心..為咗獎勵自己,所以去漂流!!

夜晚同黃嘉偉chat.咗陣..佢佢佢,竟然話我嗰日係無理取鬧!!係~我係小姐脾氣大咗少少..但......算~可能我眞係,但平時比人就慣所以唔覺..佢話,佢就唔會好似其他人咁就我..

之後又講起嗰個sucy..靠!!佢夠膽話識我..大佬,我同伱講過10句話都唔夠喎~仲同黃嘉偉講話我好鍾意bot,嗰陣可能係掛..唔知呀~我都唔知點解收藏咗咁多佢嘅相..

跟住睇咗<街頭霸王:春麗傳>..之前黃嘉偉睇過..哇~動作片,眞係好型!!搞到我好想學..呢個moment,傅永彪髮咗條消息比我,原來係跆拳道班招生,要我幫手..

傅教練..哈哈哈..好搞笑..跟住係咁二chat.咗兩句..我話琴晚見到佢亞叔,佢問我見唔見到佢喎~又話自己老啦~喺我心目中,佢係完美嘅..哈哈哈..

好失敗咯!!識咗黃嘉偉差唔多17個月,我比佢嘅印象就係成日髮小姐脾氣,冇其他!!sh1tttt..佢話呢個係最大問題..但我就眞係改唔到..鬼叫個個都咁就我..