琴晚陪只貓陪到四點幾,終于忍唔住要翻房訓覺..實在太辛苦啦..頭又痛,又猛咁流鼻水,仲要狂咳..眞係攞命..廳仲要冇冷氣..
朝早比老豆條短信嘈醒,佢話只貓今日精神翻好多..跟住我就繼續安心咁訓覺..
起身之後見到只貓都係咁喺度訓覺..不過媽咪話佢今日會出門口,喺赱廊度lok.地沙,仲食貓糧添呀,開心死我!!眞係好翻啦佢..諗起佢之前奄奄一息個樣,眞係嚇死我..
睇咗<七級公務員>..哈哈..搞笑..韓版<史密斯夫婦>..跟住就繼續訓..冇辦法,聽日同學聚會,我要補眠..之前變咗單眼皮怪物,眞係嚇死我..好醜呀..
喉嚨好痛.超痛,劇痛..但係我都繼續食瓜子同魷魚絲..亞ta.話咁樣會發燒,本來就髮緊..辛苦死啦..但我又懶得去睇..
今晚就整咗下個blog,墻紙換曬旅行嘅相..XD 咁就十二點幾,眼訓..期待聽日!!!
|
