2009.11.04 星期三 天氣 晴

今日翻去上財管..真係難得,我先訓咗幾個鐘就翻去上課..

靜係講咗練習咋,我又冇咩心機聽..哎哎..浪費曬..

跟住翻咗屋企訓覺..好攰好眼訓丫..好似發燒咁..辛苦死..

訓醒就褒<宮心計>,好鬼正丫!!臺慶劇真係臺慶劇!!之前冇期待錯..

之後就繙工..今晚得我同yan,rainy,sue.四個part-time.咋..

仲要jojo.今晚翻嚟辭職..哎~終于擺脫咗佢,開心都嚟唔切..哈..

頂..忙到傻咗丫!!我又咳到死喎..死人和記真係點解咁差泇?!!晚晚都爆call..

-----------------------------------------------------------------------

2009.11.05 星期四 天氣 晴

辛苦丫..琴晚翻工,今日又一早翻學,如果唔係為咗財管,我真係唔翻丫!!

又係講練習咯..明明哋啦..其實識做真係好開心..下下星期就考試啦好似,我要復習丫..

上多三堂課,呢三堂我點都要翻去聽..得閑就睇下d.練習同答案,最緊要背公式..

財管丫財管,伱係我第一科會咁認真學泇..聽日開始復習!!爛鬼英文行開!!

上英文電函,喺度訓覺..其實我想聽課,不過我真係好唔舒服..

翻到屋企就落樓下睇醫生..唔記得話我乜嘢啦,聽日仲要復診..

落一落去就多咗三個針窿,聽日可能都要繼續吊針丫,頂..我覺得好嘥時間..

翻到屋企繼續<宮心計>.連褒六集..本來想同媽咪一齊睇嘅,不過今日媽咪掛住煮餸..

終于搵到<gossip girl season2>嘅中英文字幕版,用qvod down.快好多..

不過呢個月我開始認真讀書啦,褒劇嘅時間會少咗,都好,慢慢褒..哈..

哎哎..jojo.赱咗係好事,但而傢連cherish.都好似要赱,唔捨得丫..

佢哋兩個都係比人逼赱泇,我突然間覺得好驚丫..555~

哎,而傢晚晚爆call,part-time.又少人,好辛苦泇嘛..請人啦!!