今日起身嗰陣,諗咗一輪,翻唔翻學.. 其實唔係話好唔舒服,就想話翻下去嘅,都好多日冇見過d.同學..但我自己又好鬼懶,覺得翻學校好嘥時間..但最後我都决定咗翻去..

冇遲到丫'我..真係難得..學校壞咗一部lift.成個星期都唔整,搞到等lift.等咗幾十世紀..等都等到成身汗..不過有個好處就係,而傢七樓都會停..

上國際商務好想聽課,但係聽唔入..亞鴨真係去咗香港,good luck..其實我哋個個都叫佢唔好去,不過算啦,我知道佢肯定係唔識say no..

中午就繼續咗國際商務嘅練習,跟住訓覺..食飯嗰陣好苦惱,都唔知食乜好..乜嘢都唔食得,真係煩..搞到我靜係要咗個豆角,我初時以爲係痠心炒牛肉嚟泇,因爲見到阿潤食!!

上涉企管理係我認爲最浪費時間嘅事..個老師完全就係照書讀,仲慘過上擺琴嘅課..最後又係演講,我見到大馬上去,我最關心嘅就係份ppt.有冇我個名,好綵有遮..

其實都幾唔好意思..次次佢都默認我係佢嗰組,我乜嘢都冇幫過手,但次次都有唔錯嘅分數..我真係會覺得唔好意思泇..不過冇辦法,鬼叫我走讀而且又冇時間..

翻到屋企梗係褒劇..<gossip girl>!!我又不能自拔!!queen S is back!!!!!好鍾意好鍾意..我好鍾意serena.嗰種高高在上嘅感覺..無論點我都覺得佢係完美嘅..太正啦!!

想睇<宮心計>,不過未down.完..而且<gossip girl>實在太正啦..死啦,我怕又好快將佢褒曬..唔捨得丫!!

諗住復習財管,點知睇咗兩睇又冇心機..靜係抄咗財務報表分析嘅公式出嚟,聽朝搭車背..其實一個星期應該復得切嘅..fighting!!

我要快d.好翻..因爲老陳話請我食刷刷鍋..哈..希望星期六可以好翻啦,咁就翻工,打機,刷刷鍋..多麽美好嘅一日..XDDDD