今日本來諗住翻學,點知話要交嗰個乜鬼畢業生乜乜表..我又未有相,所以唔交住,就唔翻學,改咗去徐伯伯度復診..
哎..七點幾出去,部車開得鬼咁慢,又塞車..去到都差唔多九點..睇完之後又要做超短波同中藥包,做咗差唔多成個鐘..最後仲要打多支pet pet.針..好痛丫~~~~啱打完嗰下行唔到!!
跟住就去咗美景食飯..哎..早知咁多人,唔係AA,我哋就唔去..最後我哋一家三口一張台..咁就我哋自己埋單..哎~大拿拿又冇60..呢排洗錢洗到好似倒水咁..我都肉赤..
跟住翻屋企..搞下呢樣,搞下嗰樣..最主要係等d.藥褒好,我飲埋再出門口..戴咗副新con..好薄丫,而且太淺色,唔夠自然..不過唔緊要啦,睇慣就ok..
哎~出去又塞車,好煩!!約亞吞三點半..我出到去都三點九啦..點知亞吞都未到..我就去影相先..快相30蚊丫~好唔捨得..不過算啦..豪一次啦..aaaa..塊麵仲係好肥..
結果亞吞四點兩先到..去脩甲,佢竟然唔修..早知得我一個修,早知靜係夠時間修甲,我就唔出嚟..我寧願喺屋企呢邊影相,聽日先攞,唔使咁貴,我又唔使咁趕..
跟住行咗陣恆寶..睇啱咗件衫..70蚊,裏面好多毛毛泇..唔貴丫,我都未講價,雖然應該唔平得幾多..又睇啱對高踭鞋,39咋!!不過我著起就一般啦..再睇下先啦,唔急買..
最後食埋嘢就翻工..
遲到咗十分鍾,不過好綵係heaton.睇que..哈哈..冇事..跟住成晚都好靜..坐我隔離嗰個係亞sue.我後面係heaton..亞yan.坐亞sue.後面,yan.隔離係新同事sunday..
今晚好得閑下..哈..亞yan.同sunday.好快就混熟咗..睇見sunday.個樣我就對新同事冇期待..個樣好似十七,八咁..哎!!仲有一男,一女新嚟..女嘅見過,好純,冇其他..
成晚喺度玩手機..哈哈..heaton.加咗我q..原來佢先大我兩年..不過winson.仲細佢兩個月..點解winson.好似細佢咁多咁?!哈哈..激死heaton..
|
