(2008.04.21) 星期一
今日7點就醒咗,訓唔翻..晨早就起身繙學..癡咗綫..哈哈..第二個星期唔遲到..我可以"mi"甩遲到大王呢個名啦..
搭車經過花園酒店..突然間見到花園酒店后麵有棟舊樓寫住"華樂"!!不過~點解淘金入麵有個"華樂大廈"嘅車站..好迷..
上完計機,一落課就搭校車過總校..開會喎~痲痲煩煩咁..重重復復咁去討論d.鷄毛蒜皮嘅問題,嘥我時間!!
臨赱嗰陣先觝死,我同阿雪想去厠所,點知學校所有嘅厠所要到2點先開!!我哋校車1點10赱!!無奈之下要過對麵公厠..
天ah~咩學校嚟泇?!厠所有乜嘢咁巴閉丫?!點解咁都要關門泇?!係唔係傻泇?!
過總校嘅唯一好處就係,次次都有主任請食飯..今日都唔例外..翻咗嚟坤記開飯..成3點先食飯,我哋眞係好嘢..
上英文課幫網絡3嘅人改捲,點知嗰條友又幫我改繙,眞係"有緣"丫..今次b級測驗全班第一..哈哈..呢個證,絕對冇問題啦~
夜晚睇我哋系嘅足毬比賽..我哋眞係好經典咯~得8個男都可以籌到系嘅男籃同男足..仲要都唔差.咁先好嘢..
今晚對財經系,本來2:1泇,最后個1分鍾比人入多波..不過我都覺得佢哋好勁泇啦~邊個話打波嘅人就唔識踢波泇?!哈哈..
7點排場景劇..8點排話劇,點知等到8點半都唔見人..跟住去咗凳桌椅度..哇~我而傢先知道原來電腦冇咗鼠標一樣可以用,犀利..
8點9,佢哋想排話劇,點知我呢個主角唔喺度,凳桌椅度又冇信號,佢哋搵我唔到,最后排唔成..er..其實都覺得幾唔好意思..
上星期四買嘅..個個都贊佢得意丫..哈哈哈..hapi~
(2008.04.22) 星期二
今日好忙好忙,成日都未停過..我眞係覺得自己好犀利,咁好精力..EQ又高,唔會亂髪脾氣..哈哈..而傢先知自己有咁多優點喎~
上午上完課,拿拿林去食飯,跟住12點半排場景劇..2點排話劇..4點就繼續上課..註意,我上課冇訓覺泇!!雖然我係冇聽課..
落咗課hea.咗陣就去食飯,7點準時上選脩..再註意,選脩課係好多人逃課泇,但我冇丫!!好乖咁坐咗2個鐘..
跟住繙去沖涼,之后又要繼續排話劇..我咁多對白都已經可以脫稿(個個都贊我犀利),但其他人,嗰幾句,都背唔出,眞係唔pro咯!!
哈哈..做場景劇同GM終于有對手戲,代價係,多咗2句對白..不過我係揹書達人,難唔到我的啦..我仲唔小心將人哋嘅對白都背埋..
好煩er..!!祕書節纔藝錶縯唔知錶縯乜嘢..好難得決定咗吹笛,學生會嗰度又話吹笛嘅分唔高喎~伱理得我高唔高分遮,眞係煩!!
(2008.04.23) 星期三
終于明白乜嘢叫浪費別人嘅時間=謀財害命!!今日,我終于忍唔住,想髪火啦!!想遮..始終都冇咁做..pro.泇嘛..
本來今日話12點半排練話劇,點知等人等到差唔多1點..4點上完課話排場景劇,等到4點8佢又話今晚先排!!嗰陣眞係好meng咯!!
都唔知有冇搞錯泇!!咁樣浪費人哋嘅時間..而傢對于我嚟講,時間眞係好寶貴咯..我難得比時間佢哋,佢哋居然咁唔珍惜!!
下午有籃毬賽睇..本部財經系vs東區校隊..我哋東區贏咗丫..哈哈哈..邊個話大一 一定會輸比大二泇?!
原來~原來susan.係普通人..眞係噩耗..再一個噩耗,就係原來嗰晚見到打波好型嗰個係繙版鄭元暢..喺呢間學校冇曬樂趣了..
夜晚繼續排場景劇..排完又趕去排話劇..眞係忙過總理丫..我都未有時間理纔藝錶縯嘅嘢..眞係犧牲小我啦,偉大到丫..
忙裏偸閑..哈哈~好犀利耶~連贏咁多盤..好想打眞痲雀aaaa!!
(2008.04.24) 星期四
今日上體育課嗰陣去咗排話劇..其實我都好想學三步上籃泇,不過~~我同籃毬眞係冇緣啦..難怪我成二十歲人都唔識打..
kubi.喺度做觀衆,我睇見佢嘅錶情就冇心機縯啦..個個都越縯越冇心機..雖然係全英對白,但唔係眞係咁難明遮下話?!
上計機實操,冇得上網,悶咗我成堂課..我坐最前,文靜坐最后,佢咁都要問我問題嘅..仲以為佢指我嘅"眞命天子"比我睇添..
中午話明12點綵排一專一技,點知成12點4先開始..又係時間比人浪費嘅事件之一..仲要喺207綵排..都冇舞臺,綵唔綵排都罷..
跟住12點9趕去112綵排話劇之夜..我哋上縯咗個無聲快進版..佢哋個個都話好得..特別係我比巫師嚇親嗰度.. =.="
睇過下話劇之夜嘅其他節目..原來唔畱心睇眞係完全唔知佢up.乜泇..難怪今朝kubi.咁嘅錶情..
下午終于得閑咗一下..終于諗到纔藝錶縯要做乜啦,就係笛子串燒+人聲伴唱..唔會撞又唔會齋啦掛?!不過d.歌好難吹er..
5點落操場睇打波,睇電視,食飯,散步..7點先翻宿捨沖涼..好悠閑嘅一個下午丫..好耐都試過咁好好享受下啦..
8點又開始忙碌..排場景劇..老馬赱咗過嚟做導縯..哈哈..佢眞係忙..不過我覺得有佢喺度眞係唔同d..傚果好又有傚率..
哈哈..有我個名丫..今次我哋涉外威曬啦..8個有7個都係我哋自己人..
(2008.04.25) 星期五
after the classes of morning,hav lunch in a hurry..跟住就要排話劇啦~今日終于有道具啦,不過都未齊..
跟住1點半又要排場景劇..有重大變動,就係唔要casual.做GM,由磚磚嚟縯,磚磚d.戲比曬我..又多N句對白..好綵我本來就背到..
話劇我做男主角,場景劇我有咁多戲,最佳男,女主角都我攞曬啦..我都係而傢先知我個腦原來可以裝到咁多嘢..
冇上到法律課就赱咗..喺天河城轉車嗰陣去咗M記,換咗隻melody.繙嚟..哈哈..原來仲有melody.泇!!
搭車去到花園酒店附近,見到有人喺遠洋賓館門口拉曬橫額咁示威..喺廣州我都係第一次見..不過唔知點解冇記者,冇警察..
最近比人傳染咗,上q.鍾意隱身..隻要比我想佢見到我嘅人見到就好了..哈哈哈..
本來今晚出去打痲雀,但係太攰啦,想抖下,而且同肥ben.打,我不如直接比錢佢..
跟住聽晚同師傅去唱k..其實好想去,不過都係忍痛..........!!我要爭取時間練吹笛丫,之前冇練過,要趕翻之前miss.咗嘅時間..
我仲髮現咗一個好嚴重嘅問題..今日阿恩話我頭像又變咗,我換翻兔仔,點知又比人換翻..佢仲要係即刻換!!好快手,唔知咩問題..
|
