激死我啦 激死我啦 激死我啦!!我呢排咁忙,要排練呢樣排嗰樣,都冇耽誤學習,攞個全班第一繙嚟,贊下我都唔得嘅!!

我髪脾氣,仲要叫我慢慢..咩人嚟泇?!! 激死我啦!!   正衰人嚟泇!!!! 算~係伱唔識貨遮..哼..

今日訓到12點先起身..跟住練咗下吹笛..我髮覺,我個譜唔啱泇..而且,我又想加長少少喎~都冇時間啦,仲搞咁多嘢..女人眞係煩..

本來想背下稿,不過兩份稿都喺學校..算啦..ok.的啦,我咁好記性..個個都鬼咁緊張,但我冇感覺.. =.=" 我次次都唔識緊張嘅..

夜晚睇廣告頒獎典禮..哈哈哈..笑死我啦..好耐都冇睇過香港廣告啦,眞係好懷唸以前細個嗰陣,嗰d.廣告正到咁多年都仲記得..

今年益力多嗰個廣告嗰句"下.伱唔認得?!"眞係好經典..其實我都幾鍾意香港寬頻同埋fifi.嗰個..點解tvb.冇香港廣告睇泇?!

頭先死人徐翠芳打電話嚟..又冇禮貌又惡死喎~山東婆大曬丫?!講普通話大曬丫?!學生會主蓆大曬丫?!都唔知自己黑人憎嘅..

佢叫我聽日着正裝喎~我話.綵排之嘛,唔使啦..

佢話.那有人像伱那么不重視,叫伱去開會伱也不去開..(咁嗰陣我排練緊丫嘛,加上講晚會d.嘢之嘛,有人聽咗再講我聽就得啦)

癡鬼綫嘅..我話我吹笛佢又話吹笛唔高分,叫我錶縯其他喎~都唔知我錶縯定佢錶縯..搞到我以為總校嗰邊唔比我錶縯吹笛..

哎~搞到我冇曬心情..算啦,搵過d.譜就訓啦..聽日晨早要過總校..傻泇,佢哋早起身都唔咁好折磨我丫..煩~!!